തൊടുപുഴ: അന്താരാഷ്ട്ര യോഗാ ദിനത്തിന്റെ കുമാരമംഗലം പഞ്ചായത്ത്തല ആഘോഷം ഇന്ന് രാവിലെ  10.30ന് പെരുമ്പിള്ളിച്ചിറയില്‍ നടത്തും. കുമാരമംഗലം പഞ്ചായത്തും ആയുഷ് വകുപ്പും പെരുമ്പിള്ളിച്ചിറ സെന്റ് ജോസഫ്‌സ് യുപി സ്‌കൂളും ചേര്‍ന്നാണ് പരിപാടി സംഘടിപ്പിക്കുന്നത്.
പഞ്ചായത്ത് പ്രസിഡന്റ് നിസാര്‍ പഴേരി ദിനാചരണം ഉദ്ഘാടനം ചെയ്യും. തുടര്‍ന്ന് കുട്ടികള്‍ 45മിനിട്ട് നേരം യോഗാ പ്രദര്‍ശനം അവതരിപ്പിക്കും. ഡോ. മനോജ് ചന്ദ്രശേഖരന്‍ പ്രദര്‍ശനത്തിന് നേതൃത്വം നല്‍കും. സ്‌കൂള്‍ മാനേജര്‍ ഫാ. ജോസഫ് കളപ്പുരയ്ക്കല്‍ അധ്യക്ഷനാകും.
ദിനാചരണത്തിന്റെ ഭാഗമായി ജില്ലാ നെഹൃ യുവകേന്ദ്രയുടെ ആഭിമുഖ്യത്തില്‍ ജില്ലാതല മെഗാ യോഗാ പരിശീലനം സംഘടിപ്പിക്കും.   രാവിലെ ഒമ്പതിന് മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാറിന്റെ അധ്യക്ഷതയില്‍ ചേരുന്ന ചടങ്ങില്‍ റോഷി അഗസ്റ്റിന്‍ എംഎല്‍എ ഉദ്ഘാടനം ചെയ്യും.
വണ്ണപ്പുറം കവിത റീഡിങ് ക്ലബിന്റെ ആഭിമുഖ്യത്തില്‍ ഇന്ന്  നാലിന് സെമിനാറും യോഗാ ക്ലാസും സംഘടിപ്പിക്കും.
ലൈബ്രറി  പ്രസിഡന്റ് വിന്‍സെന്റ് പിച്ചാപ്പിള്ളിയുടെ അധ്യക്ഷതയില്‍ ചേരുന്ന  യോഗം ദ്രോണാചാര്യ കെ പി തോമസ് മാഷ് ഉദ്ഘാടനം ചെയ്യും.