വൈക്കം: വിവേകാനന്ദ സേവാസമിതിയുടെ 7-ാമത് വാര്‍ഷികം വൈക്കം മുനിസിപ്പല്‍ ചെയര്‍മാന്‍ അനില്‍ ബിശ്വാസ് ഉദ്ഘാടനം ചെയ്തു.
നഗരസഭാ പ്രദേശത്തുള്ള സ്‌കൂളുകളില്‍ നിന്നും എസ്എസ്എല്‍സി പരീക്ഷയില്‍ എപ്ലസ് വാങ്ങിയ എല്ലാ കുട്ടികള്‍ക്കും സമ്മേളത്തില്‍ വെച്ച് ഉപഹാരങ്ങള്‍ നല്‍കി. തിരഞ്ഞെടുത്ത കുട്ടികള്‍ക്കുള്ള പഠനധനസഹായവും, ചികിത്സാ സഹായവും വിതരണം ചെയ്തു.
ട്രസ്റ്റ് മാനേജിംഗ് ട്രസ്റ്റി പി.ആര്‍ രാധാകൃഷ്ണക്കുറുപ്പ് അധ്യക്ഷത വഹിച്ച യോഗത്തില്‍ നഗരസഭ സ്റ്റാന്റിംഗ് കമ്മിറ്റി ചെയര്‍മാന്‍ ബിജു കണ്ണേഴത്ത്, കൗണ്‍സിലര്‍ ആര്‍.സന്തോഷ്, മനോഹര്‍ ജി.പൈ, ആര്‍.ആര്‍ ജയശങ്കര്‍, പി.എസ് മുരളീധരന്‍, എം.എസ് കലേഷ്, ആര്‍.സുരേഷ്, കെ.രമേശന്‍, സി.പി സാബു, സി.ശ്യാം, ശിവരാജന്‍, കെ.പ്രഭാകരന്‍ സംസാരിച്ചു.