ഗൂഡല്ലൂര്‍: യാത്രക്കിടെ തമിഴ്‌നാട് സര്‍ക്കാര്‍ ബസിന്റെ സ്‌റ്റെപ്പ് പൊളിഞ്ഞ് യുവതിയും കുഞ്ഞും റോഡില്‍ വീണു.
ഗൂഡല്ലൂരില്‍ നിന്ന് പന്തല്ലൂര്‍, കുന്ദലാടി വഴി പാട്ടവയലിലേക്ക് സര്‍വീസ് നടത്തുന്ന ബസിന്റെ സെറ്റപ്പാണ് കഴിഞ്ഞ ദിവസം യാത്രക്കാര്‍ ഇറങ്ങുന്നതിനിടെ പൊളിഞ്ഞുവീണത്. ഇവിടങ്ങളില്‍ സര്‍വീസ് നടത്തുന്ന സര്‍ക്കാര്‍ ബസുകള്‍ സുരക്ഷിതമല്ലെന്ന് നേരത്തെ തന്നെ ആരോപണം ഉയര്‍ന്നിരുന്നു. മഴക്കാലത്ത് ചോര്‍ന്നൊലിക്കുന്നതും പാതിവഴിയില്‍ സര്‍വീസ് മുടങ്ങുന്നത് ഈ റൂട്ടുകളില്‍ പതിവാണെന്നും യാത്രക്കാര്‍ ആരോപിച്ചു.