കല്‍പ്പറ്റ: ലോക വനിതാ ദിനത്തില്‍ പ്രധാന മന്ത്രി വിളിച്ചു ചേര്‍ത്ത പഞ്ചായത്ത് പ്രസിഡന്റുമാരുടെ യോഗത്തില്‍ പങ്കെടുക്കാന്‍ പോയ  മൂപ്പൈനാട് പഞ്ചായത്ത് പ്രസിഡന്റ് ഷഹര്‍ബാന്‍ സെയ്തലവിയെ അപമാനിച്ചതില്‍ പ്രതിഷേധിച്ച് കല്‍പ്പറ്റ ബ്ലോക്ക് പഞ്ചായത്തും ഗ്രാമ പഞ്ചായത്ത് പ്രസിഡന്റ് അസോസിയോഷനും ചേര്‍ന്ന് കല്‍പ്പറ്റയില്‍ പ്രതിഷേധ പ്രകടനം നടത്തി. പ്രസിഡന്റ് അസോസിയേഷന്‍ പ്രസിഡന്റ് പി നാസര്‍, സ്റ്റാന്‍ഡിങ് കമ്മിറ്റി ചെയര്‍ പേഴ്‌സണ്‍മാരായ ഉഷാതമ്പി, ജിന്‍സി സണ്ണി, എം. സെയ്ത്, തരിയോട് ഗ്രാമ പഞ്ചായത്ത് പ്രസിഡന്റ് റീന സുനില്‍, മൂപ്പൈനാട് ഗ്രാമപഞ്ചായത്ത് പ്രസിഡന്റ് ഷഹര്‍ബാന്‍ സെയ്തലവി, കോട്ടത്തറ ഗ്രാമ പഞ്ചായത്ത് പ്രസിഡന്റ് ലീലമ്മ ജോസഫ്, വിവിധ ഗ്രാമ പഞ്ചായത്തിലെ വൈസ് പ്രസിഡന്റുമാര്‍, സ്റ്റാന്‍ഡിങ് കമ്മിറ്റി ചെയര്‍മാന്‍മാര്‍ എന്നിവര്‍ നേതൃത്വം നല്‍കി.