എടവണ്ണപ്പാറ: ജലം; ജീവന്‍ എന്ന പ്രമേയവുമായി എസ്.കെ.എസ്.എസ്.എഫ് സംഘടിപ്പിക്കുന്ന ജലസംരക്ഷണ കാംപയിന്റെ ജില്ലാതല ഉദ്ഘാടനം നാളെ വെട്ടുപാറയില്‍ ചാലിയാറിനു സമീപം നടക്കും. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി, സംസ്ഥാന ജനറല്‍സെക്രട്ടറി സത്താര്‍ പന്തലൂര്‍, ചീക്കോട് ഗ്രാമപഞ്ചായത്ത് പ്രസിഡന്റ് കെ.പി സഈദ്, കീഴുപറമ്പ് ഗ്രാമപഞ്ചായത്ത് പ്രസിഡന്റ് കമ്മദ് കുട്ടി ഹാജി, പി.എ ജബ്ബാര്‍ ഹാജി പങ്കെടുക്കും.
പരിപാടിയുടെ ഭാഗമായി മേഖല വിഖായയുടെ കീഴില്‍ പൊതുകുളം ശുചീകരണവും പറവകള്‍ക്കൊരു കുടിനീര്‍ പദ്ധതിയുടെ ഉദ്ഘാടനവും നടക്കും.