അങ്ങാടിപ്പുറം: പതിനേഴുകാരിയായ പട്ടികജാതി പെണ്‍കുട്ടിയെ പീഡിപ്പിച്ച കേസില്‍ യുവാവിനെ പെരിന്തല്‍മണ്ണ ഡിവൈ.എസ്.പി എം.പി മോഹനചന്ദ്രന്റെ നേതൃത്വത്തില്‍ അറസ്റ്റ് ചെയ്തു. കുറുവ മീനാര്‍കുഴി ആലുങ്ങല്‍ ഇര്‍ഷാദ് (22) ആണ് അറസ്റ്റിലായത്.  പെണ്‍കുട്ടി മൂന്നു മാസം ഗര്‍ഭിണിയാണെന്നും ഒരു വര്‍ഷത്തോളമായി പീഡനത്തിരയാകുകയാണെന്നും പൊലിസ് പറയുന്നു. പട്ടികജാതി വിഭാഗത്തിനെതിരേയുള്ള അതിക്രമം, പ്രായപൂര്‍ത്തിയാകാത്ത കുട്ടികള്‍ക്ക് നേരെയുള്ള പീഡനം എന്നീ വകുപ്പുകള്‍ ചേര്‍ത്താണ് കേസ്.
പെരിന്തല്‍മണ്ണ ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.