കൊളത്തൂര്‍: പുത്തില്ലം നാഷണല്‍ എല്‍.പി സ്‌കൂളില്‍ നടന്ന ബാലോത്സവം മൂര്‍ക്കനാട് ഗ്രാമപഞ്ചായത്ത് പ്രസിഡന്റ് കെ. രാജഗോപാലന്‍ ഉദ്ഘാടനം ചെയ്തു. പഞ്ചായത്ത് സ്ഥിരംസമിതി അധ്യക്ഷന്‍ ടി. മുരളി ആധ്യക്ഷ്യനായി. എ.ഇ.ഒ കെ.എസ് ഷാജന്‍, പ്രധാനാധ്യാപിക എ.പി ഗിരിജാദേവി, പി. സുധാറാണി, മങ്കട ബി.പി.ഒ ഹരിദാസന്‍, പി.ടി.എ പ്രസിഡന്റ് പി. അബ്ദുല്‍ നാസര്‍, വൈസ് പ്രസിഡന്റ് കൊളത്തൂര്‍ മണികണ്ഠന്‍, മാനേജര്‍ എം. വേണുഗോപാല്‍, ഇ.കെ വിജയലക്ഷ്മി, എം. പാര്‍ഥസാരഥി, ആര്‍ട്ടിസ്റ്റ് ബാബു, അനില്‍ ജോസഫ് സംസാരിച്ചു. മികച്ച നാടകനടനുള്ള സംസ്ഥാന അവാര്‍ഡ് നേടിയ എം. പാര്‍ഥസാരഥിയെ കെ. രാജഗോപാല്‍ പൊന്നാട അണിയിച്ചു. സ്‌കൂള്‍ ലീഡര്‍ എ.സാധിക ഉപഹാരം കൈമാറി. കെ.കെ വിജയലക്ഷ്മി, പി.കെ ലക്ഷ്മിക്കുട്ടി, എന്‍.പി ശാന്തകുമാരി എന്നിവര്‍ വിദ്യാര്‍ഥികള്‍ക്കുള്ള സെമിനാര്‍ നയിച്ചു.