കോഴിക്കോട്: മലയാളത്തിലെ ഓണ്‍ലൈന്‍ ഇടങ്ങളിലെ മികച്ച എഴുത്തിനുള്ള മക്തൂബ് മീഡിയ പ്രഥമ അവാര്‍ഡ് വൈഖരി ആര്യാട്ടിന്. അഴിമുഖം ഓണ്‍ലൈന്‍ പോര്‍ട്ടലില്‍ 2016 മെയ് 12നു പ്രസിദ്ധീകരിച്ച ' ജാതിയോ, ഇവിടെയോ? നിങ്ങളെത്ര കസവ് നേര്യതിട്ട് മറച്ചാലും അത് വെളിപ്പെടുന്നുണ്ട്' എന്ന എഴുത്തിനാണ് അവാര്‍ഡ്. പെരുമ്പാവൂര്‍ സ്വദേശിയും നിയമവിദ്യാര്‍ഥിനിയുമായിരുന്ന ജിഷ ക്രൂരമായി കൊല്ലപ്പെട്ട സാഹചര്യത്തില്‍ 'ബലാത്സംഗത്തിന് ജാതിയുണ്ടോ' എന്ന അന്വേഷണത്തില്‍ എഴുതിയതാണ് ലേഖനം. 5007 രൂപയും പ്രശസ്തി പത്രവുമാണ് അവാര്‍ഡ്. 2017 ജൂണ്‍ ആദ്യവാരത്തില്‍ അവാര്‍ഡ് സമര്‍പ്പണ ചടങ്ങ് സംഘടിപ്പിക്കും. ഹൈദരാബാദ് സര്‍വകലാശാലയില്‍ പൊളിറ്റിക്കല്‍ സയന്‍സില്‍ ഗവേഷക വിദ്യാര്‍ഥിയാണ് വൈഖരി.