പരപ്പനങ്ങാടി: പരപ്പനങ്ങാടി ശിഹാബ് തങ്ങള്‍ ഫൗണ്ടേഷന്റെ കാരുണ്യം സഹായ പദ്ധതി പ്രഖ്യാപനവും ഉദ്‌ബോധന സദസും പാണക്കാട് സയ്യിദ് ശഹീറലി ശിഹാബ് തങ്ങള്‍ ഉദ്ഘാടനം ചെയ്തു.
പദ്ധതിയുടെ ഭാഗമായി മാസാന്ത ഭക്ഷണക്കിറ്റ് നല്‍കുന്ന നിര്‍ധന കുടുംബങ്ങളുടെ ലിസ്റ്റ് ഫൗണ്ടേഷന്‍ കണ്‍വീനര്‍ക്കു തങ്ങള്‍ നല്‍കി. അലി തെക്കേപ്പാട്ട് അധ്യക്ഷനായി. കടവത്ത് സൈതലവി മുഖ്യപ്രഭാഷണം നടത്തി. എന്‍ വി പി മുഹമ്മദ്ഹാജി, മുസ്തഫ പൂഴിക്കല്‍, മലബാര്‍ ബാവഹാജി, പി ഒ നഈം, ജന്നാത്ത് അഷ്‌റഫ്, കെ സലാം, പി വി കുഞ്ഞിമരക്കാര്‍, അസീസ് കുഞ്ഞോട്ട്, സൈനുല്‍ ആബിദ് മുസ്‌ലിയാര്‍ കൂട്ടായി, സ്റ്റാര്‍ മുനീര്‍, മുസ്തഫ തങ്ങള്‍ അഞ്ചപ്പുര, ആലിബാപ്പു സംസാരിച്ചു.