കൊച്ചി: കെ.എം.ഇ.എ എഞ്ചിനീയറിങ് കോളജ് എടത്തല സംഘടിപ്പിക്കുന്ന ദേശീയതല ടെക്‌നോ മാനേജീരിയല്‍ ഫെസ്റ്റ് കപ്രഷ്യസ് 13, 14 തിയതികളില്‍ നടക്കും. കോളജ് കാമ്പസില്‍ 13ന് രാവിലെ 10ന് നോര്‍ക്ക ചീഫ് എക്‌സിക്യൂട്ടിവ് ഓഫീസര്‍ കെ.എന്‍.രാഘവന്‍ ഉദ്ഘാടനം ചെയ്യും. റോബോ വാര്‍, നാഷണല്‍ നോളജ് ഒളിമ്പ്യാഡ്, തുടങ്ങി വിവിധ സാങ്കേതിക മത്സരങ്ങള്‍, പ്രഭാഷണങ്ങള്‍, സാങ്കേതിക പ്രദര്‍ശനങ്ങള്‍ എന്നിവ നടക്കും.
സിനിമ താരം ടിനി ടോം ടെക്‌നിക്കല്‍ എക്‌സിബിഷന്‍ ഉദ്ഘാടനം ചെയ്യും. വാര്‍ത്ത സമ്മേളനത്തില്‍ കോളജ് ഡയറക്ടര്‍ അമര്‍ നിഷാന്‍, പ്രിന്‍സിപ്പല്‍ ടി.കെ മണി, ഇലക്‌ട്രോണിക്‌സ് വിഭാഗം മേധാവി റീന സെബാസ്റ്റിയന്‍, യൂനിയന്‍ ചെയര്‍മാന്‍ എ.പി ആസിഫ്, വിദ്യാര്‍ഥി പ്രതിനിധി കെ. അനുപമ എന്നിവര്‍ പങ്കെടുത്തു.