കൊച്ചി: ദൈനം ദിന ജീവിതത്തില്‍ കാണപ്പെടുന്ന പ്രശ്‌നങ്ങളും  വൈദ്യശാസ്ത്ര രംഗത്തെ പുത്തന്‍ അറിവുകളും കഴിഞ്ഞ ഒരു വര്‍ഷത്തെ നേട്ടങ്ങളും ചര്‍ച്ച ചെയ്യുന്നതിനായി കൊച്ചിന്‍ ലൈവ്‌സ് സംഘടിപ്പിക്കുന്ന ബോധവത്ക്കരണ ശില്‍പ്പശാല  12ന് നടക്കും. രാവിലെ 9 മണി മുതല്‍ 1 മണി വരെ ഹോട്ടല്‍ റാഡിസണ്‍ ബ്ലൂവില്‍ വിവിധ വിഭാഗങ്ങളിലെ ഡോക്ടര്‍മാര്‍ക്കായാണ് ശില്‍പശാല സംഘടിപ്പിക്കുന്നത്. ശസ്ത്രക്രിയയ്ക്ക് മുമ്പ്  ശ്രദ്ധിക്കേണ്ട കാര്യങ്ങള്‍, ശ്വാസകോശ രോഗികളുടെ പുനരുദ്ധാരണം, ക്യാന്‍സര്‍ നേരത്തെ കണ്ടുപിടിക്കുന്നതിനുള്ള പുതിയ അറിവുകള്‍, പ്രമേഹത്തെ കുറിച്ചും രക്തസമ്മര്‍ദ്ദത്തെ കുറിച്ചുമുള്ള പഠനങ്ങള്‍ എന്നിവയെ കുറിച്ച് വിശദമായ ചര്‍ച്ച നടക്കുമെന്ന് ശില്‍പ്പശാല ഡയറക്ടര്‍ ഡോ. സജി കുരുട്ടുകുളം, കോ ഡയറക്ടര്‍ ഡോ. ഷഫീഖ് റഹ്മാന്‍ എന്നിവര്‍ അറിയിച്ചു.