പെരുമ്പാവൂര്‍: ജോയി ആലൂക്കാസ് ഫൗണ്ടേഷന്‍, അങ്കമാലി ലിറ്റില്‍ ഫ്‌ളവര്‍ ഹോസ്പിറ്റല്‍, സ്‌നേഹം വയോമിത്രം ക്ലബ്ബ് കാഞ്ഞിരക്കാട് എന്നിവരുടെ സംയുക്താഭിമുഖ്യത്തില്‍ സൗജന്യ മെഡിക്കല്‍ ക്യാമ്പ് നാളെ കാഞ്ഞിരക്കാട് ഗവണ്‍മെന്റ് എല്‍.പി സ്‌കൂള്‍ ഓഡിറ്റോറിയത്തില്‍ നടക്കും. രാവിലെ 8 മുതല്‍ ഉച്ചക്ക് 1 വരെനടക്കുന്ന ക്യാംപില്‍ വിദഗ്ദരായ ഡോക്ടര്‍മാരും സ്റ്റാഫ് അംഗങ്ങളും എത്തിച്ചേരും.
രോഗ നിര്‍ണയത്തിനായുള്ള ആധുനിക സജ്ജീരകരണങ്ങളും ക്യാമ്പിനോടനുബന്ധിച്ച് സ്‌കൂള്‍ ഓഡിറ്റോറിയത്തില്‍ ഓരുക്കും. വൈദ്യ പരിശോധനയിലൂടെ രോഗനിര്‍ണയത്തോടൊപ്പം പ്രധമീക മരുന്നുകളും ക്യാംപില്‍ സൗജന്യമായി ലഭിക്കും. മാത്രമല്ല ജോയ് അലൂക്കാസ് ഫൗണ്ടേഷന്‍ അര്‍ഹരായ 100 നേത്രരോഗികള്‍ക്ക് സൗജന്യ കണ്ണടകളും ലഭ്യമാക്കും.