കോതമംഗലം: മാമലക്കണ്ടം ശങ്കര്‍ മെമ്മോറിയല്‍ എല്‍.പി സ്‌കൂളിന്റെ 38ാമത് വാര്‍ഷികം കുട്ടംബുഴ പഞ്ചായത്ത് പ്രസിഡന്റ് വിജയമ്മ ഗോപി ഉദ്ഘാടനം ചെയ്തു. വാര്‍ഷികത്തോടനുബന്ധിച്ച് അധ്യാപകരക്ഷാകര്‍ത്തൃദിനവും ഗണിത ശാസ്ത്രകരകൗശല വസ്തുക്കളുടെ പ്രദര്‍ശനവും നടന്നു. സ്‌കൂള്‍ മാനേജര്‍ പി.കെ വിജയകുമാര്‍ അധ്യക്ഷത വഹിച്ച സമ്മേളനത്തില്‍ കോതമംഗലം എസ്.എന്‍.ഡി.പി യൂനിയന്‍ പ്രസിഡന്റ് അജി നാരായണന്‍ മുഖ്യപ്രഭാഷണം നടത്തി. ഷീല കൃഷ്ണന്‍കുട്ടി, പി.എ സോമന്‍, അരുണ്‍ പി.സി, മാരിയപ്പന്‍ നെല്ലിപ്പിള്ള, കെ.എന്‍ സജിമോന്‍ പി.എന്‍ കുഞ്ഞുമോന്‍, പി.ആര്‍ പ്രീതി തുടങ്ങിയവര്‍ പ്രസംഗിച്ചു. തുടര്‍ന്ന് കുട്ടികളുടെ കലാപരിപാടികളും നടത്തി.