കൊച്ചി: ഹൃദയ ശസ്ത്രക്രിയക്ക് ഉപയോഗിക്കുന്ന സ്റ്റെന്റുകള്‍ക്ക് കേന്ദ്രസര്‍ക്കാര്‍ കൊണ്ടുവന്ന വില നിയന്ത്രണം മറികടക്കാന്‍ സ്വകാര്യാശുപത്രികള്‍ ചികിത്സാഫീസുകള്‍ അനധികൃതമായി മൂന്നിരട്ടിയാക്കിയതിനെ കുറിച്ച് അന്വേഷിച്ച് വിശദീകരണം നല്‍കണമെന്ന് സംസ്ഥാന മനുഷ്യാവകാശ കമ്മിഷന്‍ ഉത്തരവ്.
ആരോഗ്യവകുപ്പ് സെക്രട്ടറി ഏപ്രില്‍ 10നകം അന്വേഷണ റിപ്പോര്‍ട്ട് സമര്‍പ്പിക്കണമെന്ന് കമ്മിഷന്‍ ആക്റ്റിംഗ് ചെയര്‍പേഴ്‌സണ്‍ പി മോഹനദാസ് ആവശ്യപ്പെട്ടു. സ്റ്റെന്റിന്റെ വില നിയന്ത്രണം മറികടക്കാന്‍ ആശുപത്രികള്‍ ഡോക്ടര്‍മാരുടെ ഫീസും വിവിധ സേവനങ്ങളുടെ നിരക്കും മൂന്നിരട്ടിയായി വര്‍ദ്ധിപ്പിച്ചെന്നാണ് പരാതി.