ജിദ്ദ: സഊദിയിലെ മൊബൈല്‍ ഫോണ്‍ വരിക്കാരുടെ എണ്ണം കുറഞ്ഞതായി അധികൃതര്‍. ഏകദേശം 50 ലക്ഷത്തോളം വരിക്കാരുടെ കുറവാണ് രേഖപ്പെടുത്തിയിരിക്കുന്നത്. മൊബൈല്‍ ഫോണ്‍ കണക്ഷന് വിരലടയാളം നിര്‍ബന്ധമാക്കിയതാണ് വരിക്കാരുടെ എണ്ണം കുറയാന്‍ കാരണമായിട്ടുള്ളത്. അതേസമയം ഇന്റര്‍നെറ്റ് വരിക്കാരുടെ എണ്ണം വര്‍ധിച്ചിരുന്നു.

2015ല്‍ 5.28 കോടി മൊബൈല്‍ ഫോണ്‍ വരിക്കാര്‍ ഉണ്ടായിരുന്നത് 2016 ആയപ്പോള്‍ 4.79 കോടിയായി കുറഞ്ഞതായി സഊദി ടെലികോം കമ്പനി അറിയിച്ചു.
അതായത് 49 ലക്ഷത്തോളം വരിക്കാരുടെ കുറവാണ് 2015 നെ അപേക്ഷിച്ച് 2016 ല്‍ രേഖപ്പെടുത്തിയിട്ടുള്ളത്.