ഗുരുവായൂര്‍: ക്ഷേത്രോത്സവത്തോടനുബന്ധിച്ചുള്ള നഗരസഭയുടെ പുഷ്‌പോത്സവ എക്‌സിബിഷനില്‍ രാത്രിയില്‍ വൈദ്യുതി നിലച്ചത് പരിഭ്രാന്തിക്കിടയാക്കി. ഇന്നലെ രാത്രി എഴു മണിയോടെ വൈദ്യുതി നിലച്ചതോടെ പുഷ്‌പോത്സവം കാണാന്‍ ടെന്റിനുള്ളില്‍ കയറിയ സ്ത്രീകളും കുട്ടികളും ഇരുട്ടത്ത് വഴിയാറിയാതെയും, ഭയന്നും കൂട്ടത്തോടെ നിലവിളിച്ചതാണ് പരിഭ്രാന്തിക്കിടയാക്കിയത്. ഏഴു മണിയോടെ വൈദ്യുതി നിലച്ചപ്പോള്‍ സംഘാടകര്‍ ജനറേറ്റര്‍ പ്രവര്‍ത്തിപ്പിച്ചെങ്കിലും ഷോര്‍ട്ട് സര്‍ക്യൂട്ട് മൂലം ഒരു മിനിറ്റ് പോലും വൈദ്യുതി നിര്‍ത്താനായില്ല. ഒടുവില്‍ 15മിനിറ്റിനു ശേഷം വൈദ്യുതിയെത്തിയതിനു ശേഷമാണ് പുഷ്‌പോത്സവ എക്‌സിബിഷനില്‍ വെളിച്ചം വെച്ചത്.