ദുബൈ: എസ്.കെ.എസ്.എസ്.എഫ് സംസഥാന വ്യാപകമായി നടത്തുന്ന മദീന പാഷന്റെ ഭാഗമായി തൃശൂര്‍ ജില്ല ഹുദൈബിയയില്‍ വെച്ചു മാര്‍ച്ച് 30, 31, ഏപ്രില്‍ 1, 2 തിയതികളില്‍ നടത്തുന്ന മദീന പാഷന്‍ യു.എ.ഇ തല പ്രചാരണോദ്ഘാടനം ദുബൈയില്‍ വെച്ചു നടന്നു. ജലീല്‍ ദാരിമി യോഗം ഉദഘാടനം ചെയ്തു. ശൈഖുന ചെറുവാളൂര്‍ ഉസ്താദിന്റെ സാനിധ്യത്തില്‍ ചേര്‍ന്ന യോഗത്തില്‍ ദുബൈ എസ്.കെ.എസ്.എസ്.എഫ് തൃശൂര്‍ ജില്ല പ്രസിഡന്റ് ഖമറുദ്ധീന്‍ മൗലവി അധ്യക്ഷനായി. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണംപിള്ളി മുഹമ്മദ് ഫൈസി മുഖ്യ പ്രഭാഷണം നടത്തി. ഉസ്താദ് അബ്ദുല്‍ സലാം ബാഖവി വിഷയാവതരണം നടത്തി. ദുബൈ സ്റ്റേറ്റ് എസ്.കെ.എസ്.എസ്.എഫ് നടത്തിയ സര്‍ഗലയം പ്രതിഭകള്‍ക്കുള്ള അവാര്‍ഡ് വിതരണം ശൈഖുന ചെറുവാളൂര്‍ ഉസ്താദ് നിര്‍വഹിച്ചു. ദുബൈ എസ്.കെ.എസ്.എസ്.എഫ്  സംസ്ഥാന പ്രസിഡന്റ്  ശറഫുദ്ധീന്‍ ഹുദവി, അഭിലാഷ് ഖാദര്‍, സുധിര്‍ കയ്പമംഗലം എന്നിവര്‍ സംസാരിച്ചു.