നരിക്കുനി: നാഗരികതകളെ ലോകത്തിന് പരിചയപ്പെടുത്തിയ ഇസ്‌ലാമിക ദര്‍ശനത്തിന്റെ വ്യാപനത്തിന് നിസ്തുല്യമായ പങ്ക് വഹിച്ചുവരുന്ന മദ്‌റസകള്‍ സമുദായത്തിന്റെ വെളിച്ചമാണെന്ന് പാണക്കാട് സാദിഖലി ശിഹാബ് തങ്ങള്‍.
പാലങ്ങാട്ട് നവീകരിച്ച പാറന്നൂര്‍ പി.പി ഇബ്രാഹിം മുസ്‌ലിയാര്‍ സ്മാരക നൂറുല്‍ ഹുദാ ഹയര്‍ സെക്കണ്ടന്‍ഡറി മദ്‌റസ കെട്ടിടം നാടിന് സമര്‍പ്പിച്ച് സംസാരിക്കുകയായിരുന്നു അദ്ദേഹം. പി. മൂസക്കുട്ടി അധ്യക്ഷനായി. അബ്ദുറസാഖ് ബുസ്താനി, പി.പി ജലീല്‍ ബാഖവി പാറന്നൂര്‍, എ.ടി മുഹമ്മദ് മാസ്റ്റര്‍, എന്‍.പി മുഹമ്മദ്, ഫസല്‍ റഹ്മാന്‍, എം.ആര്‍ ആലിക്കോയ മാസ്റ്റര്‍, ടി. മുഹമ്മദ് മാസ്റ്റര്‍, ജുനൈദ് ബാഖവി, അബ്ദുറഹീം ഫൈസി, ഇബ്രാഹിം ഫൈസി, സാദത്ത് സംസാരിച്ചു. ചടങ്ങില്‍ പൂര്‍വകാല അധ്യാപകന്മാരായിരുന്ന ബീരാന്‍ മുസ്‌ലിയാര്‍, പൂനൂര്‍ അബ്ദുല്‍ ഖാദര്‍ മുസ്‌ലിയാര്‍, മുത്വലിബ് ദാരിമി, മാങ്ങാട് അഹമ്മദ് മുസ്‌ലിയാര്‍ എന്നിവരെയും ഇക്കഴിഞ്ഞ മദ്‌റസ പൊതുപരീക്ഷയില്‍ സംസ്ഥാന തലത്തില്‍ എട്ടാം റാങ്കിനര്‍ഹയായ സുമിന ഹാരിസിനെയും ആദരിച്ചു.