കോട്ടക്കല്‍: മലപ്പുറത്ത് ആര്‍.എസ്.എസ് പ്രകടനത്തിനിടെ യാത്രക്കാരനെ മര്‍ദ്ദിക്കുന്ന ചിത്രം പകര്‍ത്തിയതിന് പ്രസ് ക്ലബില്‍ കയറി മാധ്യമ പ്രവര്‍ത്തകരെ അക്രമിച്ച ആര്‍.എസ്.എസുകാരുടെ നടപടിയില്‍ പ്രതിഷേധിച്ച് കോട്ടക്കല്‍ ടൗണില്‍ മുനിസിപ്പല്‍ മുസ്‌ലിം യൂത്ത്‌ലീഗ് പ്രതിഷേധ പ്രകടനം നടത്തി. സഹീര്‍ കക്കിടി, കെ.എം ഖലീല്‍, അഹമ്മദ് മണ്ടായപ്പുറം, സി.കെ റസാഖ്, ടി.പി ബാവ എന്നിവര്‍ നേതൃത്വം നല്‍കി.
പരപ്പനങ്ങാടി: മലപ്പുറം പ്രസ് ക്ലബില്‍ കയറി മാധ്യമ പ്രവര്‍ത്തകരെ മര്‍ദ്ദിച്ച സംഭവത്തില്‍ പരപ്പനങ്ങാടി പ്രസ് ഫോറം പ്രതിഷേധിച്ചു. പ്രസിഡന്റ് എ. അഹമ്മദുണ്ണി അധ്യക്ഷനായി. സി.പി വത്സന്‍, ബാലന്‍ വള്ളിക്കുന്ന്, ഹംസ കടവത്ത്, പി.പി നൗഷാദ്, ടി.വി സുചിതന്‍, പി.കെ ബാലന്‍ മാസ്റ്റര്‍ സംസാരിച്ചു.
വളാഞ്ചേരി: മാധ്യമ പ്രവര്‍ത്തകനെ മര്‍ദിക്കുകയും കാമറ നശിപ്പിക്കുകയും ചെയ്ത ആര്‍.എസ്.എസ് നടപടിക്കെതിരേ വളാഞ്ചേരി പ്രസ് ഫോറത്തിന്റെ ആഭിമുഖ്യത്തില്‍ വായ മൂടിക്കെട്ടി പ്രതിഷേധപ്രകടനം നടത്തി. സൈഫു പാടത്ത്, മുഹമ്മദലി നീറ്റുകാട്ടില്‍, സി. രാജേഷ്, മെഹ്ബൂബ് തോട്ടത്തില്‍, കെ.കെ.ലിയാക്കത്തലി, കബീര്‍ പാണ്ടികശാല, പ്രദീപ് ഇരുമ്പിളിയം, സമദ് കൊടുമുടി, നാസര്‍ ഇരിമ്പിളിയം, എന്‍.നൂറുല്‍ ആബിദ്, കെ.മണികണ്ഠന്‍ നേതൃത്വം നല്‍കി.