കിളിമാനൂര്‍: അറബിക്ക് ടീച്ചേഴ്‌സ് അക്കാദമിക്ക് കോംപ്ലക്‌സ് കിളിമാനൂര്‍ ഉപജില്ലയുടെ ആഭിമുഖ്യത്തില്‍ ഈ വര്‍ഷം സര്‍വീസില്‍ നിന്നും വിരമിക്കുന്ന അധ്യാപകര്‍ക്ക് യാത്രയയപ്പ് നല്‍കി. സമ്മേളനം കിളിമാനൂര്‍ ഗ്രാമപഞ്ചായത്ത് പ്രസിഡന്റ്  രാജലക്ഷ്മി അമ്മാള്‍ ഉദ്ഘാടനം ചെയ്തു. പഴയകുന്നുമ്മേല്‍ ഗ്രാമപ്പഞ്ചായത്ത് പ്രസിഡന്റ് എസ്.സിന്ധു അധ്യാപകരെ ഉപഹാരം നല്‍കി ആദരിച്ചു. കോപ്ലക്‌സ് സെക്രട്ടറി എം.തമീമുദ്ദീന്‍ അധ്യക്ഷനായി.പഞ്ചായത്തംഗം ബീന,കിളിമാനൂര്‍ ബി.പി.ഒ സുരേഷ് ബാബു,കിളിമാനൂര്‍ എ.ഇ ഒ മുഹമ്മദ് ഷിറാസ് തുടങ്ങിയവര്‍ സംസാരിച്ചു.