കോഴിക്കോട്: ആളൊഴിഞ്ഞ വീട്ടില്‍ തീ പിടിച്ചത് പരിഭ്രാന്തി പടര്‍ത്തി. മത്തോട്ടം തലക്കൊടി നിലയം സരോജിനിയുടെ വീട്ടിലാണ് ഇന്നലെ രാത്രി എട്ടോടെ തീ പിടുത്തം ഉണ്ടായത്. ഫയര്‍ഫോഴ്‌സും നാട്ടുകാരും ചേര്‍ന്ന് തീ അണച്ചു.
തീ പടര്‍ന്ന സമയത്ത് വീട്ടില്‍ ആളുകള്‍ ഉണ്ടായിരുന്നില്ല. അടുപ്പില്‍ നിന്ന് തീ പടര്‍ന്നതാണെന്ന് സംശയിക്കുന്നു. ഗ്യാസ് സിലണ്ടറിന് തീ പിടിക്കാഞ്ഞത് വന്‍ ദുരന്തം ഉഴിവായി. മീഞ്ചന്ത ഫയര്‍ സ്റ്റേഷനില്‍ നിന്നും ലീഡിങ് ഫയര്‍മാന്‍ എം. രമേഷിന്റേയും പി.എം അനില്‍ കുമാറിന്റെയും നേതൃത്വത്തില്‍ രണ്ട് യൂനിറ്റും, ബീച്ച് ഫയര്‍‌സ്റ്റേഷനില്‍ നിന്ന് ലീഡിംഗ് ഫയര്‍മാന്‍ സദാനന്ദന്റെ നേതൃത്വത്തില്‍ ഒരു യൂനിറ്റ് ഫയര്‍ഫോഴ്‌സും എത്തിയാണ് തീയണച്ചത്.