പാലക്കാട്: ബെംഗളൂരുവില്‍നിന്നു കേരളത്തിലേക്കുള്ള യാത്രയ്ക്കിടെ അബ്ദുല്‍ നാസര്‍ മഅ്ദനിയെ പാലക്കാട് കഞ്ചിക്കോടിനു സമീപം ചടയന്‍കാല പള്ളിയില്‍ പോകുന്നതില്‍നിന്നു പൊലിസ് തടഞ്ഞു. സാങ്കേതിക പ്രശ്‌നം ഉന്നയിച്ചാണ് മഅ്ദനിയെ ജുമുഅ നമസ്‌കരിക്കുന്നതില്‍ നിന്ന് പൊലിസ് വിലക്കിയത്.യാത്രയ്ക്കിടെ പള്ളിയില്‍ പ്രവേശിക്കുന്നത് കോടതി ഉത്തരവിലില്ലെന്നാണു പൊലിസ് പറയുന്നത്.

പൊലിസും പി.ഡി.പി പ്രവര്‍ത്തകരുമായി വാക്കുതര്‍ക്കമുണ്ടായി. എന്നാല്‍ പിന്നീട് ചര്‍ച്ചയെ തുടര്‍ന്ന് പള്ളിയില്‍ പ്രവേശിക്കാന്‍ അനുവാദം നല്‍കി.

ഈ മാസം 11വരെ കേരളത്തില്‍ തങ്ങാനുള്ള അനുമതിയാണ് മഅ്ദനിക്ക് ലഭിച്ചിരിക്കുന്നത്. അര്‍ബുദരോഗിയായ മാതാവിനെ കാണുന്നതിനായാണ് മഅ്ദനിക്ക് എന്‍.ഐ.എ കോടതി ജാമ്യവ്യവസ്ഥയില്‍ ഇളവ് അനുവദിച്ചത്.