കല്‍പ്പറ്റ: ഗീത പഠിക്കൂ, വേദത്തിലേക്ക് മടങ്ങൂ എന്ന സന്ദേശവുമായി നടത്തുന്ന വിളംബരയാത്ര നാളെ ഉച്ചക്ക് ജില്ലയിലെത്തും. ലക്കിടി ദേവീ ക്ഷേത്രം, മേപ്പാടി മാരിയമ്മന്‍ ക്ഷേത്രം, കല്‍പ്പറ്റ അയ്യപ്പ ക്ഷേത്രം എന്നിവിടങ്ങളില്‍ പര്യടനം നടത്തി മഹര്‍ഷി ദയാനന്ദസരസ്വതി വേദ വിദ്യാഗുരുകുലത്തില്‍ സമാപിക്കും.
ചീരാല്‍, സുല്‍ത്താന്‍ ബത്തേരി മാരിയമ്മന്‍ ക്ഷേത്രം, പുല്‍പ്പള്ളി ആശ്രമക്കൊല്ലി, മാനന്തവാടി ഹനുമാന്‍ കോവില്‍, മലക്കാരി ശിവക്ഷേത്രം എന്നിവിടങ്ങളില്‍ 14ന് പര്യടനം നടത്തി തോണിച്ചാലില്‍ സമാപിക്കും. മഹാശയ് ധരംപാല്‍ എം.ഡി.എച്ച് വേദ റിസര്‍ച്ച് ഫൗണ്ടേഷന്റെ ഉദ്ഘാടനത്തിന്റെയും 'യഥാര്‍ഥ ഭഗവത്ഗീത' യുടെ പ്രകാശനത്തിന്റെയും ഗീതാജ്ഞാന യജ്ഞത്തിന്റെയും പ്രചാരണാര്‍ഥമാണ് വിളംബരയാത്ര നടത്തുന്നത്.
വാര്‍ത്താസമ്മേളനത്തില്‍ എം സുന്ദരന്‍ വൈദിക്, കെ ശശിധരന്‍ വൈദിക്, വി.കെ മനോജ്, കെ സുരേന്ദ്രന്‍ എന്നിവര്‍ പങ്കെടുത്തു.