അരീക്കോട്: കിഴുപറമ്പ് വൊക്കേഷണല്‍ ഹയര്‍സെക്കന്‍ഡണ്ടറി സ്‌കൂളിലെ വിദ്യാര്‍ഥികള്‍ ഇന്നലെ ചാലിയാറില്‍ പുഴയാത്ര നടത്തി. സ്‌കൂളിന്റെ സുവര്‍ണ ജൂബിലി ആഘോഷത്തിന്റെ ഭാഗമായി കിഴുപറമ്പ് പഞ്ചായത്തിന്റെ ഗ്രാമം പുങ്കാവനം പദ്ധതിക്കു പ്രചാരം നല്‍കി മാലിന്യങ്ങള്‍ നീക്കംചെയ്ത് വിദ്യാര്‍ഥികളും അധ്യാപകരും പുഴയിലിറങ്ങി. നാട്ടുകാരും പങ്കെടുത്തു.
പെരിങ്കടവ് വരെയുള്ള നാല് മണിക്കൂര്‍ യാത്രയില്‍ ആയിരക്കണക്കിന് പ്ലാസ്റ്റിക് മാലിന്യങ്ങളാണ് ശേഖരിച്ചത്. എടശ്ശേരിക്കടവില്‍ എന്‍.ടി ഹമീദലി, എം.എം മുഹമ്മദ് എന്നിവര്‍ ഫ്‌ളാഗ് ഓഫ് ചെയ്തു. കെ. സൈഫുദ്ദീന്‍, എം.ആര്‍ പുരുഷോത്തമന്‍, പി.കെ അഷ്‌റഫ്, പോള്‍സണ്‍, സി.കെ അബൂബക്കര്‍, പി.പി മജീദ്, എം.സി ജലാലുദ്ദീന്‍, എം. മുജീബുര്‍റഹ്മാന്‍, വി.പി ശിഹാബുദ്ദീന്‍, ജെ.ആര്‍ സി കേഡറ്റുകള്‍ തുടങ്ങിയവര്‍ പങ്കെടുത്തു.