മലപ്പുറം: യു.എ.ഇ ഗവണ്‍മെന്റിന്റെ സഹിഷ്ണുതാ മന്ത്രാലയത്തിനു കീഴില്‍ ഹിസ് ഹൈനസ് ശൈഖ് നഹ്‌യാന്‍ ബിന്‍ മുബാറക് ആലു നഹ്‌യാന്റെ ആതിഥേയത്വത്തില്‍ നടക്കുന്ന അന്താരാഷ്ട്ര ന്യൂനപക്ഷ കോണ്‍ഫറന്‍സില്‍ മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും പ്രമുഖ വിദ്യാഭ്യാസ വിചക്ഷണനും ലീഗ് ഓഫ് ഇസ്‌ലാമിക് യൂനിവേഴ്‌സിറ്റീസ് എക്‌സിക്യൂട്ടീവ് മെംബറുമായ അബ്ദുല്‍ ഹകീം ഫൈസി ആദൃശ്ശേരിയും സംബന്ധിക്കും. എട്ട്, ഒന്‍പത് തിയതികളില്‍ അബൂദബിയിലാണ് അന്താരാഷ്ട്ര ന്യൂനപക്ഷ സമ്മേളനം നടക്കുന്നത്. അതിഥികളായി യു.എ.ഇയിലെത്തുന്ന നേതാക്കള്‍ക്ക് മെയ് എട്ടിന് രാത്രി ഇന്ത്യന്‍ ഇസ്‌ലാമിക് സെന്ററില്‍ സ്വീകരണം നല്‍കും.