കോഴിക്കോട്: കെട്ടിട നിര്‍മാണത്തിനിടെ ചിന്താവളപ്പില്‍ മണ്ണിടിഞ്ഞ് മരിച്ച ബിഹാര്‍ സ്വദേശികളുടെ മൃതദേഹങ്ങളുമായി ബന്ധുക്കള്‍ നാട്ടിലേക്കു തിരിച്ചു. ബേഗുസറായി സ്വദേശികളായ ജബ്ബാര്‍(40), കിസ്മത്ത്(33) എന്നിവരായിരുന്നു മരിച്ചത്.കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടം നടപടികള്‍ക്കു ശേഷമാണ് മൃതദേഹങ്ങള്‍ ബന്ധുക്കള്‍ക്ക് വിട്ടുനല്‍കിയത്. ഇവരുടെ പത്തോളം കുടുംബാംഗങ്ങള്‍ ബിഹാറില്‍ നിന്നും എത്തിയിരുന്നു. രണ്ട് ആംബുലന്‍സുകളിലായാണ് മൃതദേഹങ്ങള്‍ കൊണ്ടുപോയത്. മരിച്ചവരുടെ കുടുംബത്തിന് അര്‍ഹമായ നഷ്ടപരിഹാരം നല്‍കുമെന്ന് കമ്പനി അധികൃതര്‍ ജില്ലാ ഭരണകൂടത്തിന് ഉറപ്പു നല്‍കിയിരുന്നു.