മാറഞ്ചേരി: പുറങ്ങ് മാരാമുറ്റത്തു യുവാക്കള്‍ കെട്ടിയുണ്ടാക്കിയ ഏറുമാടത്തിനു സമീപത്തു നിര്‍ത്തിയിട്ട മൂന്ന് ബൈക്കുകള്‍ ഒരു സംഘം തകര്‍ത്തു. കഴിഞ്ഞ ദിവസം രാത്രി ഒന്‍പതു മണിയോടെയാണ് സംഭവം.
മൂന്ന് ബൈക്കുകളുടെയും ഹെഡ്‌ലൈറ്റുകള്‍ അക്രമിസംഘം ആയുധങ്ങള്‍കൊണ്ട് അടിച്ചു തകര്‍ത്തു.
സംഭവ സമയത്തു ഏറുമാടത്തില്‍ വിശ്രമിക്കുകയായിരുന്ന യുവാക്കള്‍ ഓടി രക്ഷപ്പെട്ടതോടെ സംഘം വീടുകള്‍ക്ക് നേരെ തിരിയുകയായിരുന്നു. സമീപത്തെ മൂന്ന് വീടുകളുടെ ജനല്‍ ചില്ലുകള്‍ എറിഞ്ഞുടച്ചതായും സ്ത്രീകളെ ഭീഷിണിപ്പെടുത്തിയതായും പരാതിയുണ്ട്. മുന്‍പ് പ്രദേശത്തു ഉത്സവത്തിനിടയില്‍ ഉണ്ടായ സംഘര്‍ഷത്തെ തുടര്‍ന്ന് വെള്ളിയാഴ്ച്ച വൈകിട്ട് പ്രദേശത്തു പുറമെ നിന്ന് വന്ന ഏതാനും പേരുമായി കശപിശ ഉണ്ടാവുകയും നാട്ടുകാര്‍ ഇടപെട്ട് പരിഹരിക്കുകയും ചെയ്തിരുന്നു. ഇതിനെ  തുടര്‍ച്ചയായാണ് അക്രമമെന്നാണ് നാട്ടുകാര്‍ പറയുന്നത്.