ദേശീയപാതയില്‍ പൂക്കോട്ടൂര്‍, അറവങ്കര സ്‌റ്റോപ്പുകള്‍ വഴി ക്യാംപ് നഗരിയിലെത്താം. താമസ, ഭക്ഷണ സൗകര്യവും ഒരുക്കിയിട്ടുണ്ട്. ഫോണ്‍: 0483 2771819, 9895848826.
മലപ്പുറം: പൂക്കോട്ടൂര്‍ ഹജ്ജ് ക്യാംപിന് ഇന്ന് തുടക്കം. ക്യാംപ് രാവിലെ 9.30ന് ഖിലാഫത്ത് ക്യാംപസില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
സ്വാഗതസംഘം ചെയര്‍മാന്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ അധ്യക്ഷനാകും. രണ്ടുദിവസത്തെ പഠന ക്ലാസിന് എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ നേതൃത്വം നല്‍കും. ചടങ്ങില്‍ ഹജ്ജ് ഗൈഡ് പി.കെ കുഞ്ഞാലിക്കുട്ടി എം.പിയും സി.ഡി സംസ്ഥാന ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞി മൗലവിയും പ്രകാശനം ചെയ്യും.
സമാപന ദിന പരിപാടി നാളെ രാവിലെ ഒന്‍പതിന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും. വൈകിട്ട് അഞ്ചിന് പ്രാര്‍ഥനാ സമ്മേളനത്തിന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും. സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, ഇ.ടി മുഹമ്മദ് ബഷീര്‍ എം.പി, പി.വി അബ്ദുല്‍ വഹാബ് എം.പി, മത പണ്ഡിതന്‍മാര്‍, എം.എല്‍.എമാര്‍, വിവിധ നേതാക്കള്‍ സംബന്ധിക്കും.സംസ്ഥാനത്തിന്റെ വിവിധ ഭാഗങ്ങളില്‍നിന്നായി സര്‍ക്കാര്‍, സ്വകാര്യ മേഖലയില്‍ ഹജ്ജിന് അപേക്ഷിച്ച 9000ത്തോളം പേരാണ് ദ്വിദിന പഠന ക്യാംപില്‍ പങ്കെടുക്കുന്നത്. ഹജ്ജ് അനുഷ്ഠാനങ്ങളുടെ കര്‍മശാസ്ത്രപഠനവും പുണ്യസ്ഥലങ്ങളുടെ സവിശേഷതകളും അന്താരാഷ്ട്ര യാത്രാനിയമങ്ങളും ക്ലാസില്‍ പ്രതിപാദിക്കും. പ്രധാന അനുഷ്ഠാനങ്ങളുടെ പ്രായോഗിക പരിജ്ഞാനവും നല്‍കും.