തേഞ്ഞിപ്പലം:റേഷന്‍ക്കടയില്‍ നിന്നും വാങ്ങിയ അരിയില്‍ തേരാട്ടയും പല്ലിയവശിഷ്ടവും ചാക്ക് നൂല്‍ അവശിഷ്ടങ്ങളും. പാണമ്പ്രയിലെ റേഷന്‍ കടയില്‍ നിന്നും വാങ്ങിയ അരിയിലാണ് അവശിഷ്ടങ്ങള്‍ കാണപ്പെട്ടത്. ചൊവ്വയില്‍ ശിവക്ഷേത്രത്തിനു സമീപത്തെ രാമകൃഷ്ണന്റെ വീട്ടിലേക്ക് വാങ്ങിയ അരിയിലാണ് അവശിഷ്ടങ്ങള്‍ കണ്ടത്.
ഫെബ്രുവരി അവസാനമാണ് രാമകൃഷ്ണന്റെ മകന്‍ റേഷന്‍ കടയില്‍ നിന്ന് അരി വാങ്ങിച്ചത്. കഴിഞ്ഞ ദിവസം ഉപയോഗിക്കാനായി എടുത്തു നോക്കിയപ്പോഴാണ് ചത്ത തേരാട്ടയും മറ്റു അവശിഷ്ടങ്ങളും കണ്ടെത്തിയത്.