കണ്ണൂര്‍: ജില്ലയിലെ പുരുഷന്‍ന്മാര്‍ക്ക് ആമാശയ കാന്‍സറും സ്ത്രീകള്‍ക്ക് ഗര്‍ഭാശയ കാന്‍സറും വര്‍ധിക്കുന്നതായി റിപ്പോര്‍ട്ട്. മലബാര്‍ കാന്‍സര്‍ സെന്റര്‍ തയാറാക്കിയ കാന്‍സര്‍ രജിസ്‌ട്രേഷന്‍ 2014ലെ രേഖയിലാണ് കണ്ടെത്തല്‍. പുരുഷന്‍ന്മാരില്‍ ശ്വാസകോശ കാന്‍സറും സ്ത്രീകളില്‍ സ്തനാര്‍ബുദവും പട്ടികയില്‍ മുന്നിലുണ്ടെങ്കിലും കഴിഞ്ഞ കാലങ്ങളെ അപേക്ഷിച്ച് മറ്റു കാന്‍സര്‍ രോഗവും വ്യാപകമാവുന്നതായി റിപ്പോര്‍ട്ടില്‍ പറയുന്നു. 2015 വര്‍ഷത്തെ വിവരശേഖരണം അവസാനഘട്ടത്തിലാണെന്ന് മലബാര്‍ കാന്‍സര്‍ സെന്റര്‍ ഡയരക്ടര്‍ ഡോ. സതീഷ് ബാലസുബ്രഹ്മണ്യം പറഞ്ഞു.