റാമല്ല: ജൂത ജനവിഭാഗത്തെ കുറിച്ചും ഹോളോകോസ്റ്റിനെ കുറിച്ചും നടത്തിയ വിവാദ പരാമര്‍ശത്തില്‍ ഫലസ്തീന്‍ അതോറിറ്റി പ്രസിഡന്റ് മഹ്മൂദ് അബ്ബാസ് മാപ്പ് പറഞ്ഞു. ചരിത്രത്തിലുണ്ടായ ഏറ്റവും ഹീനമായ കുറ്റകൃത്യമാണ് ഹോളോകോസ്റ്റെന്ന് ഇന്നലെ അദ്ദേഹത്തിന്റെ ഓഫിസ് പുറത്തുവിട്ട വാര്‍ത്താകുറിപ്പില്‍ പറഞ്ഞു.
നാസികളുടെ യൂറോപ്യന്‍ ജൂത കൂട്ടക്കൊല സെമിറ്റിക് വിരുദ്ധത കൊണ്ടല്ലെന്നും അവരുടെ സാമ്പത്തിക പ്രവൃത്തികളുടെ ഫലമാണെന്നും കഴിഞ്ഞയാഴ്ച അബ്ബാസ് പ്രസ്താവിച്ചിരുന്നു.
വെസ്റ്റ് ബാങ്കില്‍ നടന്ന പി.എല്‍.ഒ ഉന്നതാധികാര യോഗത്തിലായിരുന്നു ഇത്. പ്രസ്താവനയ്‌ക്കെതിരേ രാജ്യാന്തരതലത്തില്‍ വ്യാപക പ്രതിഷേധം ഉയരുകയും ചെയ്തിരുന്നു.