പയ്യന്നൂര്‍: കാട്ടുപന്നിയുടെ കുത്തേറ്റ് യുവാവിന് ഗുരുതര പരുക്ക്. കാങ്കോല്‍ വടശേരിയിലെ പി.വി പ്രശോഭി(23)നെ ഇന്നലെ രാവിലെ ഏഴോടെ സ്വാമിമുക്കില്‍ സുഹൃത്തിനെ കണ്ട് തിരിച്ചുപോകവെ പന്നി ആക്രമിക്കുകയായിരുന്നു. റോഡിലൂടെ നടന്നുപോകുകയായിരുന്ന പ്രശോഭിനെ റോഡരികിലെ കുറ്റിക്കാട്ടില്‍ നിന്നു ഓടിയെത്തിയ പന്നി കുത്തുകയായിരുന്നു. ഗുരുതരമായി പരുക്കേറ്റ പ്രശോഭിനെ ഓടിയെത്തിയ സമീപവാസികള്‍ ഉടന്‍ പയ്യന്നൂര്‍ സഹകരണ ആശുപതിയിലും പിന്നീട് മംഗളൂരുവിലെ സ്വകാര്യ ആശുപത്രിയിലേക്കും മാറ്റി.