തളിപ്പറമ്പ്: സംസ്ഥാനത്തിന്റെ വിവിധ ഭാഗങ്ങളില്‍ നിന്നു പൊലിസ് പിടികൂടിയ ഇരുചക്രവാഹനങ്ങള്‍ മൈസൂരുവിലേക്ക് എത്തിച്ചു തുടങ്ങി.
ഡി.ജി.പിയുടെ നിര്‍ദേശ പ്രകാരം നടത്തിയ ലേലത്തെ തുടര്‍ന്ന് തളിപ്പറമ്പ് പൊലിസ് സ്റ്റേഷനില്‍ നിന്ന് മാത്രം 53 വാഹനങ്ങളാണ് മൈസൂരുവിലേക്ക് കൊണ്ടുപോയത്. മൈസൂരുവിലെ നാഷനല്‍ ട്രേഡേഴ്‌സ് എന്ന കമ്പനിക്കാണ് ടെണ്ടര്‍ ലഭിച്ചത്.  
ആളില്ലാതെ ഉപേക്ഷിക്കപ്പെട്ട ശേഷം പൊലിസ് കസ്റ്റഡിയിലെടുത്ത ഇരുചക്ര വാഹനങ്ങളാണ് കൈമാറിയത്. ഇവ പൊളിച്ചു ഭാഗങ്ങള്‍ വേര്‍തിരിക്കും. പിന്നീട് റീസൈക്ലിങ് നടത്തും. പിടികൂടിയ വാഹനങ്ങള്‍ക്ക് കാലാവധി കഴിഞ്ഞിട്ടും ഉടമസ്ഥരെത്താത്തതിനെ തുടര്‍ന്നാണ് നടപടി.