ആലക്കോട്: ഒടുവള്ളി ഹാജി വളവില്‍ സ്വകാര്യ ബസിടിച്ച് വൈദ്യുതി തൂണ്‍ അപകടാവസ്ഥയില്‍. നിരവധി വാഹനങ്ങള്‍ കടന്നു പോകുന്ന റോഡരികിലാണ് തുരുമ്പെടുക്കുകയും അടിത്തറ ഇളകുകയും ചെയ്ത് ഏത് നിമിഷവും നിലം പൊത്താവുന്ന വിധത്തില്‍ തൂണ്‍ നില്‍ക്കുന്നത്. അപകടത്തില്‍പെട്ട ബസുടമയില്‍ നിന്ന് പോസ്റ്റ് മാറ്റി സ്ഥാപിക്കുന്നതിന് വന്‍ തുക വൈദ്യുതി വകുപ്പ് കൈപ്പറ്റിയെങ്കിലും നാളിതുവരെയായിട്ടും പോസ്റ്റ് മാറ്റിയിട്ടില്ല.