ശ്രീകണ്ഠപുരം: വ്യാപാരി കൂട്ടായ്മയില്‍ അഡൂരിലെ നിര്‍ധന കുടുംബത്തിന് തല ചായ്ക്കാന്‍ ഇടമായി. വ്യാപാരി വ്യവസായി ഏകോപന സമിതി ശ്രീകണ്ഠപുരം യൂനിറ്റാണ് വീട് നിര്‍മിച്ച് നല്‍കിയത്. വ്യാപാരി വ്യവസായി ഏകോപന സമിതി ജില്ലാ പ്രസി. ദേവസ്യ മേച്ചേരി താക്കോല്‍ദാനം നിര്‍വഹിച്ചു. നഗരസഭാ ചെയര്‍മാന്‍ പി.പി രാഘവന്‍ ഉദ്ഘാടനം ചെയ്തു. സി.സി മാമു ഹാജി അധ്യക്ഷനായി. മുഹമ്മദ് ബഷീര്‍ ബാഖവി പ്രാര്‍ഥന നടത്തി. പഞ്ചായത്ത് പ്രസിഡന്റ് പി പുഷ്പജന്‍ മുഖ്യാതിഥിയായി. കെ.പി ഇബ്രാഹിം, സി നാസര്‍, മായാ റോയി, മായാ ലൗലി, നിയാസ് മലബാര്‍, സി.കെ അലക്‌സ്, അബദുറഹ്മാന്‍ സംസാരിച്ചു.