മട്ടന്നൂര്‍: കര്‍ഷക കോണ്‍ഗ്രസ് ജില്ലാ സമ്മേളനം 16 മുതല്‍ 19 വരെ മട്ടന്നൂരില്‍ നടക്കും. സമ്മേളനത്തിനു മുന്നോടിയായി കൊടിമര ജാഥ 15ന് വൈകിട്ട് അഞ്ചിന് ഉളിക്കലില്‍ കെ സുരേന്ദ്രന്‍ ഉദ്ഘാടനം ചെയ്യും. പതാക ജാഥ 15ന് അഞ്ചിന് ചെറുപുഴയില്‍ ഡി.സി.സി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്യും. 16നു വൈകിട്ട് കൊടിമര, പതാക ജാഥകള്‍ മട്ടന്നൂരില്‍ സംഗമിച്ച് സമ്മേളന നഗരിയില്‍ പതാക ഉയര്‍ത്തും.
 17നു വൈകിട്ട് അഞ്ചിനു മട്ടന്നൂരില്‍ കര്‍ഷക റാലിയും പൊതു സമ്മേളനവും മുന്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. കര്‍ഷക കോണ്‍ഗ്രസ് സംസ്ഥാന പ്രസിഡന്റ് ലാല്‍ വര്‍ഗീസ് കല്‍പകവാടി കര്‍ഷക സന്ദേശം നല്‍കും. കെ.സി ജോസഫ് എം.എല്‍.എ മുഖ്യാതിഥിയായി പങ്കെടുക്കും. 18നു ലക്ഷ്മി ഹാളില്‍ സംസ്ഥാന എക്‌സിക്യൂട്ടിവ് ക്യാംപ് കെ.പി.സി.സി ജനറല്‍ സെക്രട്ടറി പി രാമകൃഷ്ണന്‍ ഉദ്ഘാടനം ചെയ്യും. ലാല്‍ വര്‍ഗീസ് കല്‍പകവാടി അധ്യക്ഷനാകും. അഡ്വ.സജീവ് ജോസഫ് മുഖ്യാതിഥിയാകും. 19നു രാവിലെ 10നു പ്രതിനിധി സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. 4.30നു സമാപന സമ്മേളനം സണ്ണി ജോസഫ് എം.എല്‍.എ ഉദ്ഘാടനം ചെയ്യും.
കര്‍ഷക പ്രതിഭകളെ യു.ഡി.എഫ് ജില്ലാ ചെയര്‍മാന്‍ പ്രൊഫ.എഡി മുസ്തഫ ആദരിക്കും. വാര്‍ത്താസമ്മേളനത്തില്‍ സംഘാടക സമിതി ഭാരവാഹികളായ ടി.വി രവീന്ദ്രന്‍, ബാലന്‍ പൊറോറ, എം ദാമോദരന്‍, പൊയില്‍ യൂസഫ്, മായന്‍ വേങ്ങാട്, വി സുകുമാരന്‍ പങ്കെടുത്തു.