കുന്നുംകൈ:  മുസ്‌ലിലീഗ് സ്ഥാപക ദിനത്തില്‍ മലയോരത്തെ  മലയോര ഗ്രീന്‍ സൈബര്‍ ഫോറം പ്രവര്‍ത്തകര്‍  പഴയകാല മുസ്‌ലിം ലീഗ് നേതാക്കളോടോത്ത് പെരുമ്പട്ട തേജസ്വിനി പുഴയോരത്ത് ഒത്തുകൂടി. ഇതിനോടനുബന്ധിച്ച് ഒരു മാസം നീണ്ടുനില്‍ക്കുന്ന ജല സംരക്ഷണ കാംപയിനും സംഘടിപ്പിച്ചു.
ചടങ്ങില്‍ മുന്‍ ജില്ലാ പബ്ലിക് പ്രോസിക്യൂട്ടര്‍ അഡ്വ. സി ശുക്ക്കൂര്‍ ജല സംരക്ഷണ പ്രതിജ്ഞ ചൊല്ലിക്കൊടുത്തു. ഇതിന്റെ ലോഗോ പ്രകാശനവും അദ്ദേഹം നിര്‍വഹിച്ചു.
പദ്ധതിയുടെ ഭാഗമായി പഞ്ചായത്തില്‍ ജല സംരക്ഷണം സംബന്ധിച്ചു ലഘുലേഖ വിതരണവും  ബോധവല്‍ക്കരണ ക്ലാസ്സും സംഘടിപ്പിക്കും.  എ ദുല്‍കിഫിലി  അധ്യക്ഷനായി.
ഖാദര്‍ അത്തൂട്ടി പദ്ധതി വിശദീകരണം നടത്തി. ജാതിയില്‍ അസിനാര്‍, എ. വി അബ്ദുല്‍ ഖാദര്‍, പി.സി ഇസ്മായില്‍, പി.സി ജാബിര്‍, ഷംഷാദ് പോത്താങ്കണ്ടം, എന്‍.എം ഷാഹുല്‍ ഹമീദ്, എം.സി കുഞ്ഞബ്ദുല്ല, എം ഉസ്മാന്‍, പി.പി.സി ശുഹൈല്‍ പങ്കെടുത്തു.