തൃക്കരിപ്പൂര്‍: വിദ്യാലയ മികവുകളുടെ നേര്‍സാക്ഷ്യമായി മികവുത്സവങ്ങള്‍. തൃക്കരിപ്പൂര്‍ ഗ്രാമപഞ്ചായത്തുതല മികവുത്സവം മൈത്താണി ജി.എല്‍.പി സ്‌കൂളില്‍ പ്രസിഡന്റ് വി.പി ഫൗസിയ ഉദ്ഘാടനം ചെയ്തു. ഗ്രാമ പഞ്ചായത്ത് അംഗം വി പ്രഭാകരന്‍ അധ്യക്ഷനായിരുന്നു. പി.ടി.എ പ്രസിഡന്റ് വി.വി സുരേശന്‍, എം.പി രാഘവന്‍, വി.കെ ബാലകൃഷ്ണന്‍, കെ.എസ് കീര്‍ത്തിമോന്‍, വി.എം ഈശ്വരന്‍, ബി.ആര്‍.സി ട്രെയിനര്‍ പി വേണുഗോപാലന്‍ സംസാരിച്ചു.
ചെറുവത്തൂര്‍ പഞ്ചായത്തില്‍ കൈതക്കാട്  എ.യു.പി സ്‌കൂള്‍, പിലിക്കോട് പഞ്ചായത്തില്‍ കൊടക്കാട് ഗവ.വെല്‍ഫേര്‍ യു.പി സ്‌കൂള്‍, കയ്യൂര്‍ ചീമേനി പഞ്ചായത്തില്‍ നാലിലാംകണ്ടം ജി.യു.പി സ്‌കൂള്‍, പടന്ന പഞ്ചായത്തില്‍ എടച്ചാക്കൈ എ.യു.പി സ്‌കൂള്‍, വലിയപറമ്പ് പഞ്ചായത്തില്‍ മാടക്കാല്‍ ജി.എല്‍.പി സ്‌കൂള്‍ എന്നിവിടങ്ങളിലും മികവുത്സവം നടന്നു.