ആലുവ: ആലുവ പുളിഞ്ചോട് കവലയില്‍ പ്രവര്‍ത്തിക്കുന്ന ഹോട്ടല്‍ മിന്‍ഹ കുത്തിത്തുറന്ന് കവര്‍ച്ച. മേശയിലും അലമാരയിലും സൂക്ഷിച്ചിരുന്ന പണവും ചാരിറ്റിപെട്ടിയുമാണു കവര്‍ച്ച ചെയ്തത്. ഇന്നലെ പുലര്‍ച്ചെ 3.45നും 4.20നു മധ്യേയായിരുന്നു മോഷണം. ഹോട്ടലിന്റെ പിന്‍വശത്തെ വാതില്‍ തകര്‍ത്താണ് മോഷ്ടാവ് അകത്ത് കടന്നത്. പ്രതിയുടെ സി.സി ടി.വി ദൃശ്യങ്ങള്‍ ലഭ്യമായിട്ടുണ്ട്. മോഷണത്തിനു ശേഷം കക്കൂസില്‍ കയറി മുഖമെല്ലാം സോപ്പിട്ട് കഴുകി വൃത്തിയാക്കുന്നതും കാമറയില്‍ പതിഞ്ഞിട്ടുണ്ട്. ആലുവ പൊലിസ് കേസെടുത്ത് അന്വേഷണം ആരംഭിച്ചു.