തൃക്കാക്കര: എസ്.കെ.എസ്.എസ്.എഫ് ജില്ലാ സമ്മേളനമായ മദീനപാഷന്റെ സ്വാഗതസംഘ രൂപീകരണ കണ്‍വന്‍ഷനും ജലം- ജീവന്‍ എന്ന പ്രമേയത്തില്‍ എസ്.കെ.എസ്.എസ്.എഫ് നടത്തുന്ന ജലസംരക്ഷണ ക്യാംപയിനിന്റെ ജില്ലാതല ഉദ്ഘാടനവും നാളെ വൈകിട്ട് ഏഴിന് മുണ്ടംപാലം കോട്ടുമല ബാപ്പു മുസ്‌ലിയാര്‍ നഗറില്‍ നടക്കും.
കണ്‍വന്‍ഷന്‍ ഖുര്‍ആന്‍ സ്റ്റഡി സെന്റര്‍ ജില്ലാ പ്രസിഡന്റ് എം.എം അബൂബക്കര്‍ ഫൈസി ഉദ്ഘാടനം ചെയ്യും. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ അധ്യക്ഷത വഹിക്കും. ജലസംരക്ഷണ ക്യാംപയിനിന്റെ ജില്ലാതല ഉദ്ഘാടനം തൃക്കാക്കര എസ്.ഐ എ.എന്‍ ഷാജു നിര്‍വഹിക്കും.
കളമശേരി വാഫി കോളജ് പ്രിന്‍സിപ്പല്‍ ജഅ്ഫര്‍ ഷെരീഫ് വാഫി മുഖ്യപ്രഭാഷണം നടത്തും. സമസ്തയുടേയും പോഷകഘടകങ്ങളുടേയും സംസ്ഥാന ജില്ലാ നേതാക്കള്‍ ഉള്‍പ്പെടെ പ്രമുഖ വ്യക്തിത്വങ്ങള്‍ കണ്‍വെന്‍ഷനില്‍ പങ്കെടുക്കുമെന്ന് ജില്ലാ ജനറല്‍ സെക്രട്ടറി പി.എം ഫൈസല്‍ അറിയിച്ചു.