കണ്ണൂര്‍: പട്ടാപ്പകല്‍ വീട്ടില്‍ അതിക്രമിച്ചുകയറി വീട്ടമ്മയുടെ മാല കവര്‍ന്ന സംഭവത്തില്‍ കാമുകനും കാമുകിയും അറസ്റ്റില്‍.
കഴിഞ്ഞ ദിവസം ഉച്ചക്ക് പള്ളിക്കുന്ന് മൂകാംബിക ക്ഷേത്രത്തിന് സമീപത്തെ പാറമ്മില്‍ വീട്ടില്‍ കുഞ്ഞനന്തന്റെ ഭാര്യ വിജയലക്ഷ്മി(58)ന്റെ മാല പൊട്ടിച്ച സംഭവത്തിലാണ് പള്ളിക്കുന്ന് ചന്ദ്രോത്ത് വീട്ടില്‍ ലജിത്ത്(40), കാമുകി ബിന്ദു(40) എന്നിവരെ ടൗണ്‍ പൊലിസ് അറസ്റ്റ് ചെയ്തത്.
ഇരുവരും വീട്ടില്‍ അതിക്രമിച്ച് കയറി 1.5 പവന്‍ മാല പൊട്ടിക്കുകയായിരുന്നു. ലജിത്തിന്റെ കൂടെയുണ്ടായിരുന്ന യുവതിയെ ആദ്യം തിരിച്ചറിഞ്ഞില്ല.
എന്നാല്‍ കണ്ണൂര്‍ ടൗണ്‍ എസ്.ഐ ശ്രീജിത്ത് കോടേരിയുടെ നേതൃത്വത്തില്‍ നടന്ന അന്വേഷണത്തിലാണ് ബിന്ദുവിനെ തിരിച്ചറിഞ്ഞതത്. ഇവരേ കോടതിയില്‍ ഹാജരാക്കി റിമാന്റ് ചെയ്തു.