നെട്ടൂര്‍: മരട് നഗരസഭ നെട്ടൂര്‍ സൗത്ത് തണ്ടാശ്ശേരി റോഡിലെ  മൃഗാശുപത്രിയില്‍ നിന്നും ആവശ്യമായ സേവനം ലഭിക്കുന്നില്ലെന്നു നാട്ടുകാരുടെ പരാതി.  ഇവിടെ ഒരു ലൈവ് സ്റ്റോക് ഇന്‍സ്‌പെക്ടറെ നിയമിച്ചിട്ടുണ്ടെങ്കിലും ഇവരുടെ സേവനം പലപ്പോഴും ലഭ്യമാകുന്നില്ല. ലൈവ് സ്റ്റോക് ഇന്‍സ്‌പെക്ടര്‍ ഇവിടെ എത്താറില്ലെന്നാണ് നാട്ടുകാര്‍ പറയുന്നത്. ഒരു സ്വീപ്പര്‍ മാത്രമാണ് ഇവിടെ ഉണ്ടാകാറുള്ളത്.
ഈ പ്രദേശങ്ങളില്‍ വളര്‍ത്തുമൃഗങ്ങളെ ഉപജീവനത്തിനായി ആശ്രയിക്കുന്നവര്‍ നിരവധിയാണ്. മൃഗങ്ങളുടെ ചികിത്സക്കായി മരടിലും ആലുവയിലുമൊക്കെ ചികിത്സക്കായി പോകേണ്ട അവസ്ഥയാണ്. വ്യാപകമായി ഇവര്‍ എല്ലാ ദിവസവും  വല്ലപ്പോഴും എത്തുന്ന കോഴിക്കുഞ്ഞുങ്ങളെ വിതരണം നടത്തുകയും വളര്‍ത്തു നായകള്‍ക്ക് കുത്തിവയ്പ്പ് എടുക്കലും മാത്രമാണ്  ഇവിടെ നടക്കുന്നത്. ഈ നിലയിലായിട്ട് നാളുകളേറെ ആയെന്നാണു നാട്ടുകാരുടെ പരാതി. കുത്തിവയ്പ്പിനുള്ള വാക്‌സിനും മറ്റു മരുന്നുകളും കേട്കൂടാതെ സൂക്ഷിക്കാനുള്ള  സംവിധാനങ്ങളൊന്നും  ഇവിടെ ഒരിക്കിയിട്ടില്ല.
മുമ്പ് നിരവധി ആളുകള്‍ മൃഗങ്ങള്‍ക്കു ചികിത്സ തേടി ആശുപത്രിയില്‍ എത്താറുണ്ടായിരുന്നു. എന്നാല്‍ ആവശ്യത്തിന് ജീവനക്കാരില്ലാതായതോടെ സ്ഥാപനം കുത്തിയായിരിക്കുകയാണ്.  കൃത്യ സമയത്ത് ചികിത്സ ലഭിക്കാതെ പലരുടെയും പതിനായിരങ്ങള്‍ വിലയുള്ള കറവപ്പശുക്കളും മറ്റും നഷ്ടപ്പെട്ടതായി പറയപ്പെടുന്നു.   അതിനിടെ ലൈവ് സ്റ്റോക് ഇന്‍സ്‌പെക്ടര്‍ ആശുപത്രിയില്‍ എത്തുന്നില്ലെന്നും ജീവനക്കാനടെ അലംഭാവത്തിന്‍  സത്വര നടപടി സ്വീകക്കണമെന്നും ആവശ്യപ്പെട്ട് മരട് നഗരസഭ സെക്രട്ടറിക്ക് നെട്ടൂര്‍ കാരം പിള്ളില്‍ കെ.എന്‍ സുകുമാരന്‍ പരാതി നല്‍കി പരാതി നല്‍കി.