അര്‍ധസൈനിക വിഭാഗമായ സെന്‍ട്രല്‍ റിസര്‍വ് പൊലിസ് ഫോഴ്‌സില്‍ അസിസ്റ്റന്റ് സബ് ഇന്‍സ്‌പെക്ടര്‍ തസ്തികയില്‍ നിയമനം നടത്തുന്നു. ആകെ ജനറല്‍ 75, ഒ.ബി.സി 80, എസ്.സി 42, എസ്.ടി 22 എന്നിങ്ങനെ 211 ഒഴിവുകളാണുള്ളത്.
കേന്ദ്ര, സംസ്ഥാന സര്‍ക്കാര്‍ അംഗീകരിച്ച ബോര്‍ഡിനു കീഴില്‍ 12ാം ക്ലാസ് വിജയിച്ചവര്‍ക്ക് അപേക്ഷിക്കാം. കംപ്യൂട്ടറില്‍ 10 മിനിറ്റില്‍ 80 വാക്ക് കേട്ടെഴുതാനും ഡിക്ടേഷന്‍ ഇംഗ്ലീഷില്‍ 50 മിനിറ്റും ഹിന്ദിയില്‍ 65 മിനിറ്റും വേണം.
മറ്റു യോഗ്യതകള്‍: ഉയരം പുരുഷന്മാര്‍ക്ക് 165 സെ.മീ, സ്ത്രീകള്‍ക്ക് 155 സെ.മീ. (എസ്.ടി പുരുഷന്മാര്‍ 162.5  സെ.മീ, സ്ത്രീകള്‍150 സെ.മീ). നെഞ്ചളവ്: പുരുഷന്മാര്‍ക്ക് മാത്രം. ജനറല്‍, ഒ.ബി.സി, എസ്.സി വികസിപ്പിക്കാതെ 77 സെ.മീ, വികസിപ്പിച്ച് 82 സെ.മീ, എസ്.ടി വികസിപ്പിക്കാതെ 76 സെ.മീ, വികസിപ്പിച്ച് 81 സെ.മീ.
പ്രായപരിധി 18നും 25നും മധ്യേ. 2017 ഏപ്രില്‍ നാല് അടിസ്ഥാനത്തിലാണ് പ്രായം കണക്കാക്കുക.
ജനറല്‍, ഒ.ബി.സി വിഭാഗത്തിലുള്ളവര്‍ക്ക് 100 രൂപയാണ് അപേക്ഷാഫീസ്. ക്രെഡിറ്റ് കാര്‍ഡ്, ഡെബിറ്റ് കാര്‍ഡ്, ഇന്റര്‍നെറ്റ് ബാങ്കിങ്, എസ്.ബി.ഐ ചലാന്‍ എന്നിവവഴി ഫീസടയ്ക്കാം.
www.crpfindia.com എന്ന വെബ്‌സൈറ്റ് വഴി മാര്‍ച്ച് 23 മുതല്‍ അപേക്ഷിക്കാം. വിശദവിവരങ്ങള്‍ വെബ്‌സൈറ്റില്‍.
അപേക്ഷിക്കാവുന്ന അവസാന തിയതി: ഏപ്രില്‍ 25