പാലക്കാട്: സമസ്ത കേരള ജംഇയ്യത്തുല്‍ ഉലമ പാലക്കാട് ജില്ലാ കമ്മിറ്റിയുടേയും പോഷകഘടകങ്ങളുടേയും സംയുക്താഭിമുഖ്യത്തില്‍ ഈ മാസം 15നു കാലത്ത് 10 മണിക്ക് കരിമ്പ എച്ച്.ഐ.എസ് ഹാളില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, ട്രഷറര്‍ അല്‍ഹാജ് സി.കെ.എം സാദിഖ് മുസ്‌ലിയാര്‍ എന്നിവര്‍ക്ക് നല്‍കുന്ന സ്വീകരണ സമ്മേളനം വിജയിപ്പിക്കണമെന്ന് ജംഇയ്യത്തുല്‍ മുദരിസ്സീന്‍ പാലക്കാട് ജില്ലാ പ്രസിഡന്റ് സയ്യിദ് അബ്ദുറഹിമാന്‍ ജിഫ്‌രി മുത്തുക്കോയ തങ്ങള്‍ വല്ലപ്പുഴ, ജനറല്‍ സെക്രട്ടറി സി. മുഹമ്മദ്കുട്ടി ഫൈസിയും അഭ്യര്‍ഥിച്ചു.
സ്വീകരണസമ്മേളനത്തിലും തുടര്‍ന്ന് അബ്ദുല്‍ ഗഫൂര്‍ അന്‍വരി മുതൂരിന്റെ നേതൃത്വത്തില്‍ നടക്കുന്ന ത്വരീഖത്ത് പഠന ക്ലാസിലും ജില്ലയിലെ മുഴുവന്‍ മുദരിസ്സുമാരും പങ്കെടുക്കണമെന്നും ഇരുവരും അറിയിച്ചു.