ചാവക്കാട്: യോഗദിനാചരണത്തിനോടനുബന്ധിച്ച് ചാവക്കാട് സബ് ജയിലില്‍ അന്തേവാസികള്‍ക്കായി സംഘടിപ്പിച്ച പ്രഭാഷണവും പരിശീലനവും ഗുരുവായൂര്‍ സായി സഞ്ചീവനി ചാരിറ്റബ്ള്‍ ട്രസ്റ്റ് ചെയര്‍മാന്‍ ഡോ. ഹരി നാരായണന്‍ ഉദ്ഘാടനം ചെയ്തു.
ജയില്‍ സൂപ്രണ്ട് എസ്.സുരേഷ് കുമാര്‍, ഡപ്യൂട്ടി പ്രിസണ്‍ ഓഫിസര്‍മാരായ ടി.എന്‍ ജയേഷ് കുമാര്‍, വി.സി പുഷ്‌ക്കരന്‍, അസി.പ്രിസണ്‍ ഓഫിസര്‍മാരായ എ.ശശീധരന്‍, കെ.കെ രാജേഷ്, കെ.പി അഭിലാഷ്, എം.എ അനില്‍കുമാര്‍ സംസാരിച്ചു. അന്തേവാസികളായ 43 പേര്‍ പങ്കെടുത്തു.
ലോക യോഗദിനാചരണത്തിന്റെ ഭാഗമായി കെ. കരുണാകരന്‍ ഫൗണ്ടേഷന്‍ സംഘടിപ്പിച്ച യോഗദിനാചരണം ജില്ലാപഞ്ചായത്തംഗം ടി.എ ഐഷ ഉദ്ഘാടനം ചെയ്തു. പ്രസിഡന്റ് ബിനേഷ് വലിയകത്ത് അധ്യക്ഷനായി.