ചവറ: ബൈക്കില്‍ വരികയായിരുന്ന ആള്‍ ടൂറിസ്റ്റ് ബസിന്റെ  ഗ്ലാസ് എറിഞ്ഞ് തകര്‍ത്തു. ശനിയാഴ്ച്ച രാത്രി 10 ഓടെ ദേശീയ പാതയില്‍ ശങ്കരമംഗലം ജങ്ഷന് തെക്ക് ഭാഗത്തായിട്ടാണ് സംഭവം. ആറ്റുകാല്‍ പൊങ്കാല കഴിഞ്ഞ് ഹരിപ്പാടിലേയ്ക്ക് ഭക്തരുമായി പോകുകയായിരുന്ന ടൂറിസ്റ്റ് ബസിന്റെ പിന്നിലെ ഗ്ലാസ് ആണ് ബൈക്കിലെത്തിയ  ആള്‍ തകര്‍ത്തത്. സൈഡ് കൊടുത്തില്ലായെന്ന് ആരോപിച്ചായിരുന്നു അക്രമം.  ബൈക്ക്  പൊലിസ് കസ്റ്റഡിയില്‍ എടുത്തു.