ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഏപ്രില്‍ 28, 29 തിയതികളില്‍ നടത്തിയ പൊതുപരീക്ഷയുടെ കേന്ദ്രീകൃത മൂല്യനിര്‍ണയ ക്യാംപ് തുടങ്ങി. ഈ വര്‍ഷം എട്ടു കേന്ദ്രങ്ങളിലായാണ് മൂല്യനിര്‍ണയം നടക്കുന്നത്. കരുവാരകുണ്ട് ദാറുന്നജാത്ത്, പട്ടിക്കാട് ജാമിഅ നൂരിയ്യ അറബിക് കോളജ്, തിരൂര്‍ക്കാട് അന്‍വാറുല്‍ ഇസ്‌ലാം ഹയര്‍ സെക്കന്‍ഡറി സ്‌കൂള്‍, കുണ്ടൂര്‍ മര്‍കസുസ്സഖാഫത്തില്‍ ഇസ്‌ലാമിയ്യ, ജാമിഅ ദാറുസ്സലാം നന്തി, കുറ്റിക്കാട്ടൂര്‍ ജാമിഅ യമാനിയ്യ, മടവൂര്‍ സി.എം മഖാം അശ്അരിയ്യ, ചേളാരി സമസ്താലയം എന്നിവിടങ്ങളിലാണ് ക്യാംപ് ഒരുക്കിയിട്ടുള്ളത്. ഇന്ത്യയിലും വിദേശ രാജ്യങ്ങളിലുമായി 2,36,622 കുട്ടികളാണ് ഈ വര്‍ഷം പൊതുപരീക്ഷയില്‍ പങ്കെടുത്തിട്ടുണ്ട്. മുന്‍വര്‍ഷത്തേക്കാള്‍ 13,471 കുട്ടികള്‍ ഈ വര്‍ഷം വര്‍ധിച്ചു. എട്ടുവരെ നടക്കുന്ന മൂല്യനിര്‍ണയ ക്യാംപില്‍ 1300 പരിശോധകര്‍ സേവനം ചെയ്യുന്നുണ്ട്. 

ചേളാരി സമസ്താലയത്തില്‍ പരീക്ഷാ ബോര്‍ഡ് ചെയര്‍മാന്‍ എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. വിദ്യാഭ്യാസ ബോര്‍ഡ് മാനേജര്‍ കെ. മോയിന്‍കുട്ടി മാസ്റ്റര്‍ അധ്യക്ഷനായി. എം.എ ചേളാരി, കെ.പി അബ്ദുറഹ്മാന്‍ മുസ്‌ലിയാര്‍, പി.കെ ഷാഹുല്‍ ഹമീദ് മാസ്റ്റര്‍, എം.പി കടുങ്ങല്ലൂര്‍ പ്രസംഗിച്ചു. കെ.സി അഹ്മദ്കുട്ടി മൗലവി സ്വാഗതവും കെ.കെ.എം ഹനീഫല്‍ ഫൈസി നന്ദിയും പറഞ്ഞു.
പട്ടിക്കാട് ജാമിഅ നൂരിയ്യയില്‍ സമസ്ത മുശാവറ അംഗം വാക്കോട് മൊയ്തീന്‍കുട്ടി മുസ്‌ലിയാര്‍ ഉദ്ഘാടനം ചെയ്തു. വി.കെ ഉണ്ണീന്‍കുട്ടി മുസ്‌ലിയാര്‍ അധ്യക്ഷനായി. ടി.പി അബൂബക്കര്‍ മുസ്‌ലിയാര്‍, കെ.എ റഷീദ് ഫൈസി, സി.എച്ച് ലുഖ്മാന്‍ ഫൈസി, എ.കെ ആലിപ്പറമ്പ്, പി.സി ഉമര്‍ മൗലവി, എ.ടി മുഹമ്മദലി ഹാജി, എം. അബൂബക്കര്‍ ഹാജി, നാസര്‍ ഫൈസി കുപ്പാടിത്തറ പ്രസംഗിച്ചു.
കരുവാരകുണ്ട് ദാറുന്നജാത്തില്‍ സമസ്ത പരീക്ഷാ ബോര്‍ഡ് അംഗം ഇ. മൊയ്തീന്‍ ഫൈസി പുത്തനഴി ഉദ്ഘാടനം ചെയ്തു. ദാറുന്നജാത്ത് ശരീഅത്ത് കോളജ് പ്രിന്‍സിപ്പല്‍ ഉസ്മാന്‍ ഫൈസി എറിയാട് അധ്യക്ഷനായി, വി.കെ.എസ് തങ്ങള്‍, അബ്ദുറഹ്മാന്‍ ഫൈസി, ഇ.വി ഖാജാ ദാരിമി, മജീദ് മുസ്‌ലിയാര്‍, അബ്ദുല്ല ഫൈസി, സുബൈര്‍ മാസ്റ്റര്‍ പ്രസംഗിച്ചു. യൂസുഫ് മുസ്‌ലിയാര്‍ സ്വാഗതവും ഒ.എം ശരീഫ് ദാരിമി നന്ദിയും പറഞ്ഞു.
തിരൂര്‍ക്കാട് അന്‍വാറുല്‍ ഇസ്‌ലാം ഹയര്‍ സെക്കന്‍ഡറി സ്‌കൂളില്‍ സമസ്ത മുശാവറ അംഗം കെ. ഹൈദര്‍ ഫൈസി പനങ്ങാങ്ങര ഉദ്ഘാടനം ചെയ്തു. ഇബ്രാഹിം ഫൈസി തിരൂര്‍ക്കാട് അധ്യക്ഷനായി. കെ.കെ അബ്ദുല്‍ ഖാദിര്‍ മുസ്‌ലിയാര്‍, വൈ.പി അബൂബക്കര്‍ മാസ്റ്റര്‍, ഷമീര്‍ ഫൈസി ഒടമല, അബ്ദുറശീദ് ഫൈസി, മൂസ ദാരിമി, ഹംസ ഫൈസി, സല്‍മാന്‍ ഫൈസി, ജബ്ബാര്‍ മാസ്റ്റര്‍ പ്രസംഗിച്ചു.
കുണ്ടൂര്‍ മര്‍കസുസ്സഖാഫത്തില്‍ ഇസ്‌ലാമിയ്യയില്‍ സമസ്ത വിദ്യാഭ്യാസ ബോര്‍ഡ് സെക്രട്ടറി ഡോ. എന്‍.എ.എം അബ്ദുല്‍ ഖാദിര്‍ ഉദ്ഘാടനം ചെയ്തു. എന്‍.പി ആലി ഹാജി അധ്യക്ഷനായി, പി.കെ അബ്ദുല്‍ ഗഫൂര്‍ അല്‍ഖാസിമി, മുഹമ്മദ് ഷരീഫ് ബാഖവി, നൂഹ് കരിങ്കപ്പാറ, ഒ.കെ.എം കുട്ടി ഉമരി, ഹുസൈന്‍ മുസ്‌ലിയാര്‍, അയ്യൂബ് ഫൈസി, ഹംസക്കുട്ടി ഹാജി, ഉസ്മാന്‍ ഫൈസി ഇന്ത്യനൂര്‍ പ്രസംഗിച്ചു.നന്തി ദാറുസ്സലാം അറബിക് കോളജില്‍ സമസ്ത മുശാവറ അംഗം ചേലക്കാട് എ. മുഹമ്മദ് മുസ്‌ലിയാര്‍ ഉദ്ഘാടനം ചെയ്തു. ദഅ്‌വ കോളജ് പ്രിന്‍സിപ്പല്‍ തഖിയുദ്ദീന്‍ ഹൈതമി അധ്യക്ഷനായി. കെ.പി അബ്ദുല്‍ ഖാദിര്‍ ഫൈസി പള്ളങ്കോട്, അഹ്മദ് നന്തി, ഇബ്രാഹിം മക്കിയാട്, അബ്ദുല്‍ മജീദ് ദാരിമി അരിമ്പ്ര, ശിഹാബുദ്ദീന്‍ ദാരിമി മാമ്പുഴ, കുഞ്ഞിരായിന്‍ മാസ്റ്റര്‍ മുത്താലം പ്രസംഗിച്ചു. കുറ്റിക്കാട്ടൂര്‍ ജാമിഅ യമാനിയ്യയില്‍ സമസ്ത വിദ്യാഭ്യാസ പരീക്ഷാ ബോര്‍ഡ് അംഗം കെ.എം അബ്ദുല്ല മാസ്റ്റര്‍ കൊട്ടപ്പുറം ഉദ്ഘാടനം ചെയ്തു. ആര്‍.വി കുട്ടിഹസ്സന്‍ ദാരിമി അധ്യക്ഷനായി. കെ.പി കോയ, ചോക്കാട് അലി മുസ്‌ലിയാര്‍, ഇ.പി അഹ്മദ്കുട്ടി മുസ്‌ലിയാര്‍, ടി.പി അബ്ദുല്‍ മജീദ് ഫൈസി, കെ.പി ശംസുദ്ദീന്‍ ദാരിമി, ആര്‍.വി അബ്ബാസ് ദാരിമി പ്രസംഗിച്ചു.
മടവൂര്‍ സി.എം മഖാം അശ്അരിയ്യ കോളജില്‍ സമസ്ത മുശാവറ അംഗം കെ. ഉമര്‍ ഫൈസി മുക്കം ഉദ്ഘാടനം ചെയ്തു. മഹല്ല് പ്രസിഡന്റ് അബ്ദുറഹ്മാന്‍ മാസ്റ്റര്‍ അധ്യക്ഷനായി. കെ.എച്ച് കോട്ടപ്പുഴ, ടി.പി.സി മുഹമ്മദ് കോയ ഫൈസി, മലയമ്മ അബൂബക്കര്‍ ഫൈസി, കെ.എം മുഹമ്മദ് മാസ്റ്റര്‍, യു.വി റിയാസ് ഖാന്‍, യു. ശറഫുദ്ദീന്‍, എം.പി അലവി ഫൈസി, ഒ. ഷൗക്കത്തലി ഫൈസി, ഫൈസല്‍ ലത്തീഫി, സി.എ ശുക്കൂര്‍ മാസ്റ്റര്‍ പ്രസംഗിച്ചു. ഫൈസല്‍ ഫൈസി മടവൂര്‍ സ്വാഗതവും എം.ടി മുഹമ്മദ് മാസ്റ്റര്‍ നന്ദിയും പറഞ്ഞു.