നെടുമങ്ങാട്: ബിവറേജസില്‍ നിന്നും മദ്യം വാങ്ങി നല്‍കുന്നതിനെ ചൊല്ലിയുണ്ടായ തര്‍ക്കത്തെ തുടര്‍ന്ന് യുവാവിന് വെട്ടേറ്റു. ആര്യനാട് ചെമ്പക മംഗലം സ്വദേശി ഷൈജു(25) വിനാണ് വെട്ടേറ്റത്.ഇയാളുടെ പിതാവ് ജയകുമാറിനും (45) ഇതിനിടയില്‍ പരുക്കേറ്റു. രണ്ടുപേരും മെഡിക്കല്‍ കോളജ് ആശുപത്രിയില്‍ ചികിത്സ തേടി.
സംഭവവുമായി ബന്ധപ്പെട്ട് ഓട്ടോറിക്ഷാ ഡ്രൈവര്‍ കോട്ടയ്ക്കകം സ്വദേശി ബിജുകുമാറിനെ പൊലിസ് അറസ്റ്റ് ചെയ്തു.ഇയാളുടെ കൂട്ടാളി ഒളിവിലാണ് .
കഴിഞ്ഞ ദിവസം ഉച്ചയ്ക്ക് ഒരു മണിയോടെയായിരുന്നു സംഭവം. ഷൈജു ഓട്ടോറിക്ഷാ ഡ്രൈവറായ ബിജുവിനോട് ബിവറേജസില്‍ നിന്നും മദ്യം വാങ്ങി നല്‍കാന്‍ ആവശ്യപ്പെട്ടു.ആവശ്യം ഡ്രൈവര്‍ നിരാകരിച്ചതോടെ ഇരുവരും തമ്മില്‍ വാക്കേറ്റമുണ്ടായി. തുടര്‍ന്ന് രാത്രിയില്‍ ബിജുവും സുഹൃത്ത് ജലാലും കൂടി  ഷൈജുവിന്റെ  വീട്ടിലെത്തി ആക്രമണം നടത്തുകയായിരുന്നു.
ആക്രമണത്തിനിടെ ഷൈജുവും പിതാവും കിണറ്റില്‍ വീഴുകയും ചെയ്തു.നെടുമങ്ങാട് നിന്നും ഫയര്‍ഫോഴ്‌സ് സംഘം എത്തിയാണ് ഇരുവരേയും കരയ്‌ക്കെടുത്തത്.