ചെന്ത്രാപ്പിന്നി: ഈസ്റ്റില്‍ നിര്‍ധന കുടുംബത്തിന് വീട് ഒരുങ്ങുന്നു. മഠത്തിപറമ്പില്‍ സെലീനക്കാണ് എടത്തിരുത്തി പഞ്ചായത്ത് ആശ്രയ പദ്ധതിയില്‍ ഉള്‍പ്പെടുത്തി വീട് നിര്‍മിച്ച് നല്‍കുന്നത്. ആശ്രയയുടെ മൂന്ന് ലക്ഷം രൂപയും ഡി.വൈ.എഫ്.ഐ തണല്‍ റിലീഫ് കമ്മിറ്റിയുടെയും സഹകരണത്തോടെയാണ് വീട് നിര്‍മാണം പൂര്‍ത്തിയാക്കുന്നത്. കഴിഞ്ഞ ദിവസം നടന്ന ചടങ്ങില്‍ എടത്തിരുത്തി പഞ്ചായത്ത് പ്രസിഡന്റ് ബൈന പ്രദീപ്, ഇടവക വികാരി ഫാദര്‍ മെഫിന്‍ തെക്കേക്കര എന്നിവര്‍ ചേര്‍ന്ന് തറക്കല്ലിടല്‍ നിര്‍വഹിച്ചു. സി.ഡി.എസ് ചെയര്‍പേഴ്‌സണ്‍ ഐഷാബി മുഹമ്മദ്, പഞ്ചായത്ത് സെക്രട്ടറി ഷിബിന്‍, അഡ്വ. വി.കെ ജ്യോതി പ്രകാശ്, യൂസഫ് അന്താറത്തറ, കെ.എച്ച് സുല്‍ത്താന്‍ പങ്കെടുത്തു.