ക​ണ്ണൂ​ർ: കണ്ണൂർ യൂണിവേഴ്‌സിറ്റിയിൽ പെരുന്നാൾ ദിനാഘോഷങ്ങൾക്കിടെ പരീക്ഷ നടക്കുന്നതിൽ എതിർപ്പുമായി വിദ്യാർഥികൾ. ഇന്ന് മുതൽ ആരംഭിക്കുന്ന നാലാം സെ​മ​സ്റ്റ​ർ പ​രീ​ക്ഷ​ക​ളാ​ണ് വിദ്യാർഥികൾക്ക് തിരിച്ചടിയാകുന്നത്. തി​ങ്ക​ൾ, ചൊ​വ്വ, വെ​ള്ളി ദി​വ​സ​ങ്ങ​ളിലായാണ് പരീക്ഷകൾ നിശ്ചയിച്ചിട്ടുള്ളത്. ഇതിനിടക്കുള്ള ബുധനോ, വ്യാഴമോ ആയിരിക്കും പെരുന്നാൾ വരിക. ഇതോടെ പെരുന്നാൾ ആഘോഷിച്ചാൽ പരീക്ഷയെ അത് ബാധിക്കും, അല്ലെങ്കിൽ പരീക്ഷയ്ക്ക് പഠിക്കാൻ മാത്രമിരുന്നാൽ പെരുന്നാൾ ഇല്ലാതാവും എന്നതാണ് വിദ്യാർഥികളുടെ അവസ്ഥ.

ക​ണ്ണൂ​ർ, കാ​സ​ർ​കോ​ട്, വ​യ​നാ​ട് ജി​ല്ല​ക​ളി​ലാ​യി 150ല​ധി​കം കോ​ള​ജു​ക​ളി​ലാ​ണ് തി​ങ്ക​ളാ​ഴ്ച നാ​ലാം സെ​മ​സ്റ്റ​ർ പ​രീ​ക്ഷ​ക​ൾ​ക്ക് തു​ട​ക്ക​മാ​കു​ന്ന​ത്. കേരളത്തിന്റെ വിവിധ ഭാഗങ്ങളിൽ നിന്നുള്ള വിദ്യർഥികൾ വിവിധ കോളേജുകളിലായി പഠനം നടത്തുന്നുണ്ട്. ഹോസ്റ്റലിൽ നിന്ന് പഠിക്കുന്ന കുട്ടികൾക്കാണ് ഇത് കനത്ത തിരിച്ചടിയാകുന്നത്. ചൊവ്വാഴ്ചയിലെ പരീക്ഷ കഴിഞ്ഞ് നാട്ടിലേക്ക് പെരുന്നാൾ ആഘോഷിക്കാൻ പോയാൽ പിറ്റേ ദിവസം തന്നെ പെരുന്നാൾ ആഘോഷിച്ച് മടങ്ങേണ്ടി വരും. ഇനി പെരുന്നാൾ വ്യാഴം ആണെങ്കിൽ പെരുന്നാൾ ദിനത്തിൽ തന്നെ ഹോസ്റ്റലിൽ മടങ്ങി എത്തേണ്ടിയും വരും. ഇതോടെ അങ്ങോട്ടും ഇങ്ങോട്ടുമുള്ള യാത്രയും ക്ഷീണവുമെല്ലാം കാരണം പഠനവും പരീക്ഷയുമെല്ലാം വെള്ളത്തിലാകും.

കാ​ലി​ക്ക​റ്റ് യൂണിവേഴ്‌സിറ്റി​യി​ലും ഇ​തി​നു​സ​മാ​ന​മാ​യി പെ​രു​ന്നാ​ൾ ത​ലേ​ന്നും പി​റ്റേ​ന്നും പ​രീ​ക്ഷ​ക​ൾ പ്ര​ഖ്യാ​പി​ക്കു​ക​യും വി​വാ​ദ​മാ​യ​തോ​ടെ മാ​റ്റി​വെ​ക്കു​ക​യും ചെ​യ്തി​രു​ന്നു. പെ​രു​ന്നാ​ൾ ദി​നാ​ഘോ​ഷ​ങ്ങ​ളി​ൽ പ​രീ​ക്ഷ​ക​ൾ ന​ട​ക്ക​രു​തെ​ന്ന് സ​ർ​ക്കാ​ർ ഉ​ത്ത​ര​വ് കാ​റ്റി​ൽ​പ​റ​ത്തി​യാ​ണ് യൂണിവേഴ്‌സിറ്റി ​പ​രീ​ക്ഷ​ക​ൾ ഷെ​ഡ്യൂ​ൾ ചെ​യ്തി​രി​ക്കു​ന്ന​ത്. സം​ഭ​വ​ത്തി​ൽ മു​സ്‍ലിം സം​ഘ​ട​ന​ക​ളും വി​ദ്യാ​ർ​ഥി സം​ഘ​ട​ന​ക​ളും രം​ഗ​ത്തെ​ത്തി​യി​ട്ടു​ണ്ട്.